విజయవాడ, ఏప్రిల్ 17: నాబార్డు, వరల్డ్ బ్యాంకు, విదేశీ రుణాల సాయంతో అందుతున్న నిధులను వినియోగిస్తూ, ఆయా పనులను సకాలంలో పూర్తిచేయాలని రాష్ట్ర ప్రభుత్వ ప్రధాన కార్యదర్శి (సీఎస్) దినేష్‌కుమార్ ఆదేశించారు. వెలగపూడి సచివాలయంలోని తన కార్యాలయంలో పలు శాఖల ప్రిన్సిపల్ కార్యదర్శులు, ఉన్నతాధికారులతో గురువారం సమీక్షా సమావేశం నిర్వహించారు.

విజయవాడ, ఏప్రిల్ 17: గుంటూరు హైలెవెల్ ఛానల్ ప్రకాశం జిల్లా పర్చూరు వరకు పొడిగింపు అంశంపై రైతులు ఆందోళన చెందాల్సిన అవసరం లేదని ఆంధ్రప్రదేశ్ ముఖ్యమంత్రి చంద్రబాబునాయుడు భరోసా ఇచ్చారు. మొదటి దశ సర్వే పనులకు కోటి రూపాయలు మంజూరు చేస్తున్నట్లు ఆయన ప్రకటించారు.

రాజమహేంద్రవరం, ఏప్రిల్ 19: సీలేరు జలాల పుణ్యమా అని ఎట్టకేలకు గోదావరి డెల్టాలో రబీ పంట గట్టెక్కింది. ఎన్నడూ లేని విధంగా గోదావరిలో సహజ జలాల లభ్యత తగ్గిపోవడంతో రబీ సాగుపై నీలి నీడలు అలుముకున్నాయి. అయితే సీలేరు నుండి నిర్దేశిత పరిమాణం కంటే ఆరు టీఎంసీల నీరు అధికంగానే సరఫరా చేయడంతో రబీ పంట గట్టెక్కింది.

విజయవాడ, ఏప్రిల్ 17: విజయనగరంలో ఈనెల 26 నుంచి మూడు రోజుల పాటు జరిగే ఉరుసు ఉత్సవానికి ముఖ్యమంత్రి చంద్రబాబు నాయుడును సూఫీ పీఠాధిపతి ప్రతినిధులు ఆహ్వానించారు. 27న హజరత్ సయ్యద్ షహీన్ షా బాబా గంధ మహోత్సవం, 28న చాదర్ సమర్పణ, ఉరుసు ముగింపు ఉత్సవాలు ఉంటాయని హజరత్ సూఫీ మహమ్మద్ అతావుల్లా షరీఫ్ షా తాజ్ ఖాదరీ బాబా పీఠాధిపతి కుమారులు ఆహ్వానించారు.