విశాఖపట్నం, ఏప్రిల్ 17: అదనపువిద్యుత్ వినియోగిస్తున్న గృహ విద్యుత్ వినియోగదారులు క్రమబద్ధీకరించుకునేందుకు తూర్పు ప్రాంత విద్యుత్ పంపిణీ సంస్థ (ఏపీఈపీడీసీఎల్) ప్రత్యేక పథకాన్ని ప్రకటించింది. అననపు లోడు క్రమబద్ధీకరించుకునే వినియోగదారులు డెవలప్‌మెంట్ ఛార్జీల్లో 50 శాతం రాయితీని ఇవ్వాలని ఈపీడీసీఎల్ ప్రతిపాదించగా ఏపీఈఆర్‌సీ అమోదం తెలిపినట్టు సీఎండీ హెచ్‌వై దొర తెలిపారు.

రేణిగుంట, ఏప్రిల్ 17: ఒకరి చేతిలో మోసపోయిన వ్యక్తి తానే మోసగాడిగా మారి మరికొంతమందిని మోసగించడంతో పోలీసులకు చిక్కిన సంఘటన చిత్తూరు జిల్లా రేణిగుంటలో జరిగింది. ఈజీ మనీకి అలవాటు పడ్డ ఓ నిరుద్యోగి రేణిగుంట ఎయిర్‌పోర్టులో ఉద్యోగాలు ఇప్పిస్తానని ఇద్దరు నిరుద్యోగులను మోసగించే ప్రయత్నంలో విమానాశ్రయంలో పోలీసులు అడ్డంగా దొరికిపోయాడు.

విజయవాడ, ఏప్రిల్ 17: ప్రముఖ పుణ్యక్షేత్రం శ్రీశైలం దేవస్థానంలో చేపట్టిన వివిధ అభివృద్ధి ప్రాజెక్టులను సకాలంలో పూర్తిచేసేందుకు తగిన చర్యలు తీసుకోవాలని ప్రభుత్వ ప్రధాన కార్యదర్శి దినేష్‌కుమార్ అధికారులను ఆదేశించారు. మంగళవారం వెలగపూడి సచివాలయంలోని ఆయన కార్యాలయంలో శ్రీశైలం దేస్థానంలో చేపట్టిన ప్రాజెక్టులకు నిధుల సమీకరణ అంశంపై దేవస్థానం ఈఓతో పాటు దేవాదాయ శాఖ ఉన్నతాధికారులతో ఆయన సమీక్షించారు.

విజయవాడ, ఏప్రిల్ 17: పైలెట్ ప్రాజెక్టుగా ప్రారంభించిన నెల్లూరు మున్సిపల్ జూనియర్ కళాశాల విద్యార్థులు మొదటి సంవత్సరంలో అద్భుతమైన ఫలితాలు సాధించారని రాష్ట్ర మున్సిపల్‌శాఖ మంత్రి పి.నారాయణ తెలిపారు. గత నెలలో జరిగిన ఇంటర్మీడియట్ మొదటి సంవత్సరంలో పరీక్షలకు 49మంది విద్యార్థులు హాజరుకాగా 32 మంది 10కి 10 జీపీఏ, మరో 12 మంది 9.8, మిగిలిన ఐదుగురు 9.5 జీపీఏ సాధించారన్నారు.