అమరావతి: సరిగ్గా 38 ఏళ్ల క్రితం.. ఎన్టీఆర్ నేతృత్వంలో కాంగ్రెస్‌కు వ్యతిరేకంగా తెలుగు ఆత్మగౌరవ నినాదంతో ఆవిర్భవించిన తెలుగుదేశం పార్టీ, ఇప్పుడూ అదే నినాదంతో కేంద్రంలోని బీజేపీ ప్రభుత్వంపై పోరాడుతోంది. 38 ఏళ్ల క్రితం కాంగ్రెస్‌కు వ్యతిరేకంగా పోరాటం ప్రారంభించిన టీడీపీ విచిత్రంగా ఇప్పుడూ మరో జాతీయ పార్టీ బీజేపీపై యుద్ధం ప్రకటిస్తుండటం ప్రస్తావనార్హం.

విజయవాడ, మార్చి 28: ఓ వైపు ప్రతిపక్షాలు అడ్డుపడుతున్నా, మరోవైపు కేంద్రం నుంచి సహకారం రాకపోయినప్పటికీ.. ముఖ్యమంత్రి చంద్రబాబు కలలను నెరవేర్చేందుకు తమ సర్వశక్తులు ఒడ్డి గోదావరి - కృష్ణా - పెన్నా నదులను అనుసంధానం చేసి తీరుతామని రాష్ట్ర జలవనరుల శాఖ మంత్రి దేవినేని ఉమామహేశ్వరరావు స్పష్టం చేశారు.

విజయవాడ, మార్చి 28: కనీస మద్దతు ధర (ఎమ్మెస్పీ) నిర్ణయ పరిధిని కేంద్ర ప్రభుత్వం నుంచి తప్పించాలని ఎమ్మెల్సీ కరణం బలరామ కృష్ణమూర్తి డిమాండ్ చేశారు. రాష్ట్ర శాసన మండలిలో వ్యవసాయంపై స్వల్పకాలిక చర్చ బుధవారం జరిగింది. ఈ సందర్భంగా ఆయన మాట్లాడుతూ ధర నిర్ణయాధికారాన్ని కేంద్రం నుంచి తప్పించినప్పుడే రాష్ట్ర రైతులకు న్యాయం జరుగుతుందన్నారు. కేంద్ర ప్రభుత్వం ఎప్పుడూ రైతుకు అన్యాయమే చేస్తుందని ఆరోపించారు.

విజయవాడ, మార్చి 28: రాష్ట్రంలో ఉన్న అపార బొగ్గు క్షేత్రాలను ఆదాయవనరుగా మార్చుకోవచ్చని నీతి అయోగ్ సభ్యుడు సారస్వత్ వెల్లడించారు. వెలగపూడి సచివాలయంలో ముఖ్యమంత్రి చంద్రబాబు నాయుడుని ఆయన బుధవారం కలిశారు. ఈ సందర్భంగా ఆయన మాట్లాడుతూ చింతలపూడి, నూజివీడు తదితర ప్రాంతాలలో ఉన్న బొగ్గు నిల్వల నుంచి ఇథనాల్ ఉత్పత్తి చేపట్టవచ్చన్నారు.