అమరావతి, మార్చి 28: వెనుకబడిన తరగతుల లబ్ధిదారులకు ఆదరణ పథకం-2 ద్వారా ఆధునిక సాంకేతిక పరికరాలు అందించేందుకు నిర్ణయించామని బీసీ సంక్షేమశాఖ ముఖ్య కార్యదర్శి బి.ఉదయలక్ష్మి తెలిపారు. బుధవారం నగరంలోని ఒక హోటల్‌లో ఆదరణ పథకం-2 కింద లబ్ధిదారులకు అందించే ఆధునిక పరికరాల విషయంపై మేధోమథన సదస్సు నిర్వహించారు. ఈ సదస్సులో ముఖ్యఅతిథిగా వెనుకబడిన తరగతుల సంక్షేమశాఖ ముఖ్యకార్యదర్శి బి.ఉదయలక్ష్మి పాల్గొన్నారు.

విజయవాడ, మార్చి 28: ప్రజలు దారిద్య్ర లేఖ దిగువ, ఎగువ ఉన్నా వారీగా విభజించిన రీతిలో దేవాలయాలను కూడా ప్రభుత్వం ఆదాయం ఉన్నవి, లేనివిగా విభజించి ఆదాయం లేని ఆలయాల పట్ల నిర్లక్ష్యం ఏ మాత్రం తగదని బుధవారం శాసనసభ ప్రశ్నోత్తరాలలో బీజేపీ సభ్యుడు ఆకుల సత్యనారాయణ అన్నారు.

విజయవాడ(బెంజిసర్కిల్), మార్చి 28: ఏపీ ముఖ్యమంత్రి నారా చంద్రబాబు నాయుడుపై వైఎస్‌ఆర్ కాంగ్రెస్ పార్టీ రాజ్యసభ సభ్యుడు విజయసాయిరెడ్డి చేసిన వ్యాఖ్యలను వెంటనే ఉపసంహరించుకోవాలని సీపీఐ రాష్ట్ర కార్యదర్శి కే రామకృష్ణ డిమాండ్ చేశారు. విజయసాయిరెడ్డి చేసిన వ్యాఖ్యలను ఖండిస్తున్నట్లు బుధవారం ఒక ప్రకటనలో రామకృష్ణ తెలిపారు. చంద్రబాబు పాలనను విమర్శించడం మాని, వ్యక్తిగతంగా దూషించడం తగదన్నారు.

విజయవాడ, మార్చి 28: సుదీర్ఘ రాజకీయ అనుభవం ఉన్న ముఖ్యమంత్రి చంద్రబాబు నాయుడిని ఉద్దేశించి పార్లమెంటులో పెద్దల సభకు ప్రాతినిధ్యం వహిస్తున్న విజయసాయి రెడ్డి చేసిన వ్యాఖ్యలు సభ్య సమాజం తలదించుకునేలా ఉన్నాయని మంత్రి శిద్దా రాఘవరావు మండిపడ్డారు. హుందాగా వ్యవహరించవలసిన పార్లమెంటు సభ్యుడు ముఖ్యమంత్రిని ఉద్దేశించి వాడిన భాష, చేసిన ఆరోపణలు ఆయనలోని నేర ప్రవృత్తిని బయట పెడుతున్నాయన్నారు.