ఏ కొండూరు, మార్చి 27: శ్రీరామనవమి పర్వదినం సందర్భంగా కలుషిత ప్రసాదం 123 మంది తీవ్ర అస్వస్థతకు గురయ్యారు. వీరిలో ఐదుగురి పరిస్థితి విషమంగా వుంది. కృష్ణా జిల్లా ఏ కొండూరు అడ్డరోడ్డు వద్ద ఉన్న రామాలయంలో సీతారాముల కల్యాణ మహోత్సవం సందర్భంగా ఆలయ కమిటీ ఆధ్వర్యంలో పులిహోర, వడపప్పు తిని, బెల్లం పానకం తాగిన వీరు తీవ్ర అస్వస్థతకు గురయ్యారు.

గుంటూరు, మార్చి 27: విశాఖపట్నం జిల్లాలో అరకుతో పాటు పాడేరు అటవీ ప్రాంతంలో ఉన్న జలపాతాలను పర్యాటక కేంద్రాలుగా తీర్చి దిద్దాల్సిన అవసరం ఉందని ఎమ్మెల్యే గిడ్డి ఈశ్వరి ప్రతిపాదించారు. శాసనసభలో పర్యాటకశాఖ డిమాండ్లపై మంగళవారం జరిగిన చర్చ సందర్భంగా ఎమ్మెల్యే ఈశ్వరి మాట్లాడుతూ ప్రపంచంలోనే అతిశీతల ప్రదేశంగా గుర్తింపుపొందిన లంబసింగితో పాటు ఈ ప్రాంతంలో అనేక జలపాతాలు, పర్యాటక ప్రదేశాలు ఉన్నాయన్నారు.

విజయవాడ, మార్చి 27: వేలిముద్రలు సరిపోని పక్షంలో ఫొటో గుర్తింపు ఆధారంగా రేషన్ ఇచ్చే సౌకర్యాన్ని త్వరలో అందుబాటులోకి తెస్తున్నట్లు రాష్ట్ర పౌర సరఫరాల శాఖ మంత్రి ప్రత్తిపాటి పుల్లారావు తెలిపారు.

అమరావతి: విభజన చట్టం హామీల అమలు విషయంలో కేంద్రం రాష్ట్ర ప్రజలను వంచించిందని అఖిలపక్షం మండిపడింది. రాష్ట్రానికి ప్రత్యేక హోదా ఇవ్వాల్సిందేనని, దాని సాధన కోసం అవసరమైన అన్ని త్యాగాలకూ సిద్ధమేనని స్పష్టం చేసింది. మరో పదిరోజులు పోరాటం కొనసాగించాలని, ఈసారి జరిగే అఖిలపక్షానికి విద్యార్థులు, విద్యుత్, ఇతర రంగాల వారిని కూడా భాగస్వాములను చేయాలని నిర్ణయించింది.