విశాఖపట్నం, జనవరి 30: రాష్ట్రానికి రైల్వే జోన్ మంజూరు చేయడానికి కేంద్రం సుముఖంగా ఉన్న సమయంలో అధికార పార్టీ ఎంపీల మధ్య సమన్వయ లోపం కారణంగా అదికాస్తా వెనక్కి వెళ్లినట్టు విశ్వసనీయ సమాచారం. ఆ తరువాత రైల్వే జోన్‌పై ఎంపీలు పెద్దగా కేంద్రంపై వత్తిడి తేకపోవడం వలన అది మరింత వెనక్కి వెళ్లిందని తెలుస్తోంది. దీనికి సంబంధించిన వివరాలు ఇలా ఉన్నాయి.

విజయవాడ, జనవరి 29: దేవాదాయ ధర్మాదాయ శాఖ పేరును మార్పు చేస్తున్నట్లు మంత్రి మాణిక్యాలరావు వెల్లడించారు. వెలగపూడి సచివాలయం తన చాంబర్‌లో సోమవారం ఏర్పాటుచేసిన విలేఖరుల సమావేశంలో ఆయన మాట్లాడుతూ ప్రస్తుతం ఉన్న శాఖ పేరును దేవదాయ ధర్మదాయ శాఖగా మారుస్తున్నామని తెలిపారు. దేవాదాయ అంటే దేవుడి ఆదాయంతో నిర్వహిస్తున్నట్లు అర్థం వస్తోందని, పండితుల సూచన మేరకు దేవదాయ, ధర్మదాయ శాఖగా మారుస్తున్నామన్నారు.

కాకినాడ, జనవరి 29: తూర్పు గోదావరి జిల్లా కాకినాడ ప్రత్యేక ఆర్థిక మండలి (సెజ్)లో జింక్ స్మెల్టర్ పరిశ్రమ స్థాపించేందుకు వేదాంత గ్రూపు ఆసక్తి కనబరచింది. పరిశ్రమ ఏర్పాటుకు అవసరమైన అనుకూల వాతావరణం కాకినాడ తీరంలో ఉండటంతో ఆ దిశగా సన్నాహాలు జరుగుతున్నాయి. ఈమేరకు సోమవారం కాకినాడలో జిల్లా కలెక్టర్ కార్తికేయ మిశ్రాతో వేదాంత గ్రూప్, జిఎంఆర్ సంస్థల ప్రతినిధులు సమావేశమయ్యారు.

విజయవాడ (క్రైం), జనవరి 29: ఆంధ్రప్రదేశ్ చేనేత వస్త్రాలకు అంతర్జాతీయ గుర్తింపు తీసుకువచ్చేందుకు ముఖ్యమంత్రి చంద్రబాబునాయుడు కృషి చేస్తున్నారని బీసీ సంక్షేమ శాఖామంత్రి కింజారపు అచ్చెన్నాయుడు అన్నారు. ప్రముఖ డిజైన్ సంస్ధ నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ ద్వారా అధునాతన డిజైన్లు తయారు చేయించి చేనేత కార్మికులకు అందించి ప్రపంచస్థాయి ఉత్పత్తులు సిద్ధం చేయిస్తామన్నారు.