నిడదవోలు, జనవరి 31: సంక్రాంతి పర్వదినాల్లో చట్టవిరుద్ధంగా కోడి పందేల్లో పాల్గొన్న 95మంది కోడి పందేలరాయుళ్లకు జైలుశిక్ష, జరిమానా విధిస్తూ పశ్చిమ గోదావరి జిల్లా నిడదవోలు అదనపు జూనియర్ సివిల్ జడ్జి వై శ్రీలక్ష్మి బుధవారం తీర్పుచెప్పారు. నిందితులకు మూడు రోజులు సాధారణ జైలుశిక్ష, వంద రూపాయల జరిమానా విధించారు.

విశాఖపట్నం, జనవరి 31: రాష్ట్రంలో మరో అవినీతి అధికారి ఏసీబీకి దొరికాడు. వాణిజ్య పన్నుల శాఖ చీఫ్ కమిషనర్‌గా పనిచేస్తున్న గెడ్డపు లక్ష్మీప్రసాద్ ఆదాయానికి మించి ఆస్తులు కూడబెట్టాడన్న ఫిర్యాదులు రావడంతో ఏసీబీ విశాఖ డీఎస్పీ రామకృష్ణ ప్రసాద్ నేతృత్వంలో రాష్ట్రంలో 20 చోట్ల బుధవారం ఏక కాలంలో దాడులు జరిగాయి. విశాఖపట్నం, శ్రీకాకుళం, గుంటూరు, హైదరాబాద్‌లోని ఈ దాడులు జరిగాయి.

అమరావతి, జనవరి 31: రాజధానిలోని పాలనా నగరంలో తొలుత సచివాలయం, శాఖాధిపతుల కార్యాలయ భవనాలు, ప్రభుత్వ ఆవాసాలను త్వరితగతిన పూర్తిచేసి అందుబాటులోకి తీసుకురానున్నారు. పరిపాలన నగరంలో చేపట్టే అన్ని నిర్మాణాల్లో మొదటి ప్రాధాన్యంగా ఈ మూడు ప్రాజెక్టులను పూర్తిచేసి వచ్చే ఏడాదిలోనే వినియోగంలోకి తీసుకువస్తామని ముఖ్యమంత్రి చంద్రబాబునాయుడుకు అధికారులు తెలియజేశారు.

మచిలీపట్నం, జనవరి 31: కృష్ణాజిల్లా మచిలీపట్నంకు చెందిన యువకుడు అమెరికాలో అనుమానాస్పదస్థితిలో మృతి చెందాడు. ఇందుకు సంబంధించిన వివరాలు ఇలా ఉన్నాయి. మచిలీపట్నం పురపాలక సంఘంలో పనిచేస్తున్న ఉద్యోగి బొమ్మల రామ్మోహనరావు కుమారుడు చైతన్య ఎంఎస్ చదివేందుకు రెండేళ్ల క్రితం అమెరికా వెళ్లాడు. ఎంఎస్ పూర్తి చేసి ఉద్యోగానే్వషణలో ఉన్న చైతన్య ఫ్లోరిడా రాష్ట్రంలో తన స్నేహితులతో కలిసి ఒక రూమ్‌లో ఉంటున్నాడు.