విజయవాడ, డిసెంబర్ 19: రాష్ట్ర కన్స్యూమర్ ప్రొటెక్షన్ కౌన్సిల్ చైర్మన్ సహా సభ్యులను మంగళవారం ప్రభుత్వం నియమించింది. ఈ మేరకు ఉత్తర్వులను జారీ చేసింది. వివిధ వర్గాల ప్రతినిధులను సభ్యులుగా నియమించింది. ఈ కౌన్సిల్‌కు చైర్మన్‌గా రాష్ట్ర పౌరసరఫరాల శాఖ మంత్రి వ్యవహరిస్తారు.

విజయవాడ, డిసెంబర్ 19: సుబాబుల్, యూకలిప్టస్ గిట్టుబాటు ధరలపై చర్చించడానికి మంత్రివర్గ ఉప సంఘం మంగళవారం వెలగపూడి సచివాలయంలోని వ్యవసాయశాఖ మంత్రి సోమిరెడ్డి చంద్రమోహన్ కార్యాలయంలో సమావేశమైంది. మంత్రులు శిద్దా రాఘవరావు, సోమిరెడ్డి చంద్రమోహన్‌రెడ్డి, ఆదినారాయణరెడ్డిలతో కూడిన మంత్రివర్గం సమావేశమై గిట్టుబాటు ధరపై చర్చించారు.

విజయవాడ, డిసెంబర్ 19: జాతీయ విద్యుత్ సంరక్షణ వారోత్సవాలు-2017 ముగింపు వేడుకలను డిసెంబర్ 20వ తేదీన విజయవాడ తుమ్మలపల్లి కళాక్షేత్రంలో నిర్వహిస్తున్నట్లు రాష్ట్ర విద్యుత్ సంరక్షణ సంస్థ సీఈవో ఎ.చంద్రశేఖర్‌రెడ్డి ఒక ప్రకటనలో తెలిపారు. వారోత్సవాల ముగింపు సందర్భంగా కార్యశాల నిర్వహిస్తామన్నారు.

విజయవాడ, డిసెంబర్ 19: వివిధ పద్దుల కింద కేంద్ర ప్రభుత్వం నుంచి రావాల్సిన నిధులు చేరుతుండటం, అలాగే రాష్ట్రంలో వివిధ శాఖల నుంచి జమ పడుతున్న మొండి బకాయిలు వంటి కారణాలతో రాష్ట్ర ఆర్థిక పరిస్థితి ఇప్పుడిప్పుడే కాస్తంత మెరుగుపడుతోంది. తాత్కాలిక ఆర్థిక సంక్షోభం కారణంగా రాష్ట్ర ప్రభుత్వం గత నవంబర్ 16వ తేదీ నుంచి జీతాలు, పెన్షన్‌లు మినహా అన్ని రకాల బిల్లుల చెల్లింపులను నిలిపివేసింది.