విజయవాడ, డిసెంబర్ 7: ఫాతిమా మెడికల్ కాలేజీ విద్యార్థుల సమస్యపై కేంద్ర ప్రభుత్వం ఈ నెల 11న ఢిల్లీలో సమావేశం ఏర్పాటు చేసిందని వైద్య, ఆరోగ్యశాఖ మంత్రి కామినేని శ్రీనివాస్ తెలిపారు. ముఖ్యమంత్రి ఆదేశాల మేరకు స్థానిక ఎన్‌టిఆర్ ఆరోగ్య విశ్వవిద్యాలయంలో మంత్రి కామినేని గురువారం ఫాతిమా కాలేజీ విద్యార్థుల తల్లిదండ్రులతో సమావేశం నిర్వహించారు.

గూడెంకొత్తవీధి, డిసెంబర్ 7: విశాఖపట్నం జిల్లాలో విద్యార్థినిపై అసిస్టెంట్ ప్రిన్సిపాల్ అత్యాచారానికి పాల్పడ్డాడు. గూడెంకొత్తవీధి మండలం, పెదవలస పంచాయతీ పరిధిలో చాపరాతిపాలెం గ్రామానికి చెందిన గిరిజన బాలిక చింతపల్లిలోని జూనియర్ కళాశాలలో ఇంటర్ మొదటి సంవత్సరం చదువుతోంది. గూడెంకొత్తవీధి మండలం ఏకలవ్య పాఠశాలలో పదో తరగతి చదువుతున్న తన బావను చూసేందుకు గత నెల 26న మధ్యాహ్నం పాఠశాలకు వెళ్ళింది.

విశాఖపట్నం(క్రైం), డిసెంబర్ 7: రాష్ట్రంలో అవినీతి నిరోధక (ఏసీబీ) కేసుల విచారణను వేగవంతం చేసేందుకు ప్రత్యేక న్యాయస్థానం ఏర్పాటు చేయనున్నట్టు ముఖ్యమంత్రి చంద్రబాబు నాయుడు తెలిపారు. విశాఖలో ఏసీబీ నూతన కార్యాలయ భవనాన్ని గురువారం ప్రారంభించిన ఆయన విలేఖరులతో మాట్లాడుతూ రాజమండ్రి కేంద్రంగా ప్రత్యేక న్యాయస్థానం ఏర్పాటు చేయనున్నట్టు వెల్లడించారు.

అనంతపురం సిటీ, డిసెంబర్ 7: రాష్ట్రంలో విద్యకు అధిక ప్రాధాన్యతనిస్తున్నామని మానవ వనరుల శాఖ మంత్రి గంటా శ్రీనివాసరావు తెలిపారు. గురువారం అనంతపురంలో ఆయన మాట్లాడుతూ విభజన తరువాత రాష్ట్రంలో ప్రతి ఒక్కరు చదువుకోవాలనే ఉద్దేశ్యంతో ముఖ్యమంత్రి అహర్నిశలు కృషి చేస్తున్నారని తెలిపారు.