హైదరాబాద్:ఏడాదిపాటు సస్పెండ్ చేస్తూ ఏపీ అసెంబ్లీ తీసుకున్న నిర్ణయాన్ని హైకోర్టు కొట్టివేసిన తీర్పునకు సంబంధించిన ప్రతిని అసెంబ్లీ కార్యదర్శికి వైకాపా శాసనసభ్యురాలు రోజా అందచేశారు. కోర్టు తీర్పు అనంతరం ఆమె శాసనసభకు వచ్చి కార్యదర్శిని కలిసి కోర్టు తీర్పు ప్రతులు అందజేశారు. కాగా రోజాకు శాసనసభలో వైకాపా శాసనసభ్యులు స్వాగతం పలికి అభినందనలు చెప్పారు.

హైదరాబాద్:ఆంధ్రప్రదేశ్ శాసనసభ సమావేశాలలో పాల్గొనకుండా వైకాపా శాసనసభ్యురాలు రోజాను ఏడాదిపాటు సస్పెండ్ చేస్తూ తీసుకున్న నిర్ణయాన్ని ఉమ్మడి హైకోర్టు సింగిల్‌జడ్జి కొట్టివేస్తూ మధ్యంతర ఉత్తర్వులు జారీచేశారు. ఏపీ శాసనసభ తనను సస్పెండ్ చేస్తూ తీసుకున్న నిర్ణయాన్ని వైకాపా ఎమ్మెల్యే రోజా మొదట హైకోర్టులోనూ ఆ తరువాత సుప్రీంకోర్టులోనూ సవాల్ చేసిన విషయం తెలిసిందే.

హైదరాబాద్: రాష్ట్రానికి ప్రత్యేక హోదా కావాలని కోరుతూ శాసనసభలో ముఖ్యమంత్రి చంద్రబాబు ప్రవేశపెట్టిన తీర్మానాన్ని సభ్యులు ఏకగ్రీవంగా ఆమోదించారు. శాసనసభలో బుధవారం రూల్ 77 కింద 17 అంశాలతో కూడిన తీర్మానాన్ని ముఖ్యమంత్రి ప్రవేశపెట్టారు. దీనిపై సుదీర్ఘ చర్చ జరిగింది.

హైదరాబాద్: రాష్ట్ర ప్రభుత్వం ప్రవేశపెట్టిన బడ్జెట్ లోపభూయిష్టంగా ఉందని ఉమ్మారెడ్డి వెంకటేశ్వర్లు అన్నారు. రాష్ట్ర ప్రభుత్వం ప్రవేశపెట్టిన బడ్జెట్‌పై శానసమండలిలో మంగళవారం చర్చ ప్రారంభమైంది. ఉమ్మారెడ్డి వెంకటేశ్వర్లు మాట్లాడుతూ బడ్జెట్‌లో 2014-15 ఆర్థిక సంవత్సరానికి సంబంధించి ఆడిట్ లెక్కలు ఇవ్వలేదని అన్నారు.