విజయనగరం, జూలై 30: మరో రెండు రోజుల్లో సర్పంచ్‌ల పదవీకాలం ముగియనుండటంతో సర్పంచ్‌ల స్థానంలో ప్రభుత్వం ప్రత్యేక అధికారులను నియమిస్తుందా? లేదా సర్పంచ్‌లనే పర్సన్ ఇన్‌ఛార్జీలుగా కొనసాగిస్తుందా? అన్న అంశంపై తర్జనభర్జనలు జరుగుతున్నాయి. వచ్చే నెల 2తో సర్పంచ్‌ల పదవీకాలం ముగియనుండటంతో ప్రభుత్వం ఏం నిర్ణయం తీసుకుంటుందోనని అందరూ ఆతృతగా ఎదురుచూస్తున్నారు.

నగరి, జూలై 30: నగరి ఎమ్మెల్యే రోజాపైన ఆమె అనుచరులపైన పోలీసులు ఐపీసీ 143, 146, 341, 353, 506 సెక్షన్ల కింద కేసులు నమోదు చేశారు. విధి నిర్వహణలో ఉన్న పోలీసు అధికారులను అసభ్య పదజాలంతో దూషించి అవమానించడం, విధులు నిర్వర్తించకుండా అడ్డుకున్నారన్న కారణాలతో ఆమెపై ఈ కేసులు నమోదు చేశారు. గత శుక్రవారం నగరి మండపం వద్ద జరిగిన రోడ్డు ప్రమాదంలో ఓ మహిళ దుర్మరణం చెందిన విషయం విదితమే.

విజయవాడ, జూలై 29: హైందవ ధర్మాన్ని పరిరక్షించాలని, రాజకీయ జోక్యం లేకుండా హిందూ ధార్మిక మండలి ఆధ్వర్యంలో తిరుమల తిరుపతి దేవస్థానాన్ని నిర్వహించాలనే డిమాండ్లతో విశ్వధర్మ పరిరక్షణ వేదిక ఆధ్వర్యాన పలువురు స్వామీజీలు ఆదివారం విజయవాడ నుంచి తిరుపతి వరకు తలపెట్టిన మహాపాదయాత్రను పోలీసులు ఆరంభంలోనే భగ్నం చేశారు.

విజయవాడ (బెంజిసర్కిల్), జూలై 29: రాష్ట్రంలో అధికారం చేపట్టిన నాటి నుండి చంద్రబాబు, లోకేష్ కలిసి నిలువునా దోచుకుంటున్నారని, దేన్నీ వదలకుండా రాష్ట్రంలోని పంచభూతాలను సైతం ఆరగిస్తున్నారని వైఎస్‌ఆర్ కాంగ్రెస్ పార్టీ సీనియర్ నేత, మాజీ మంత్రి బొత్స సత్యనారాయణ ఆరోపించారు. ఇద్దరి అవినీతికి సంబంధించి తమవద్ద ఆధారాలున్నాయని, వారు విచారణకు సిద్ధపడాలని సవాల్ విసిరారు.