భీమవరం, ఆగస్టు 2: రాష్ట్రంలోని పురపాలక సంఘాల కమిషనర్లు ఆందోళనబాట పట్టారు. తూర్పుగోదావరి జిల్లా పిఠాపురం కమిషనర్ రామ్మోహన్‌రావు సస్పెన్షన్‌ను నిరసిస్తూ రాష్ట్ర వ్యాప్తంగా మున్సిపల్ కమిషనర్లు గురువారం నుంచి నల్లబ్యాడ్జీలు ధరించి విధులకు హాజరువుతున్నారు. కమిషనర్ల ఆందోళనకు మున్సిపల్ మినిస్టీరియల్ ఉద్యోగుల సంఘం మద్దతు తెలిపింది.

విజయవాడ, ఆగస్టు 2: రాష్ట్ర విభజన తరువాత రాష్ట్ర వ్యాప్తంగా ఆరోగ్యశ్రీ రోగులు ఇబ్బంది పడుతున్నారని, తమిళనాడు నుంచి ఆంధ్రరాష్ట్రం విభజన తరువాత నెల్లూరు, చిత్తూరు జిల్లాల ప్రజలకు 30 సంవత్సరాల పాటు మద్రాసులో ఉచితంగా వైద్యాన్ని అందించిన సంగతిని ఏఐసీసీ కార్యదర్శి, మాజీ మంత్రి శైలజానాథ్ గుర్తు చేశారు.

విజయవాడ, ఆగస్టు 2: ఒకే సంవత్సరంలో 10 వేల కోట్ల రూపాయలు ఖర్చు చేసి గ్రామీణ రోడ్లను మెరుగుపరచాలని, రోడ్డు సౌకర్యం లేని గ్రామాలకు రోడ్డు సౌకర్యం కల్పించాలని నిర్ణయించినట్లు రాష్ట్ర పంచాయతీరాజ్ శాఖ మంత్రి లోకేష్ వెల్లడించారు. పంచాయతీరాజ్ విభాగం ద్వారా చరిత్రలో ఎన్నడూ లేని విధంగా గ్రామీణ రోడ్ల వ్యవస్థను మెరుగుపరిచేందుకు ప్రణాళిక రూపొందించినట్లు తెలిపారు.

విజయవాడ, ఆగస్టు 2: కేంద్రంలోని బీజేపీ ప్రభుత్వం ఏపీకి చేసిన అన్యాయం, ప్రతిపక్షాలతో కలిసి చేస్తున్న కుట్ర రాజకీయాలపై ముస్లింల్లో చైతన్యం తేవాల్సి ఉందని ముఖ్యమంత్రి చంద్రబాబు నాయుడు అభిప్రాయపడ్డారు. వెలగపూడి సచివాలయంలో సీఎంను ముస్లిం మైనారిటీ నేతలు గురువారం కలిసి గుంటూరులో ఈ నెల 28న నిర్వహించనున్న ముస్లింల బహిరంగ సభ వివరాలను వివరించారు.