న్యూయార్కు, సెప్టెంబర్ 28: దక్షిణాసియా ప్రాంతంలో శాంతి, సుస్థిరతలకు ఉగ్రవాదమే అతిపెద్ద సవాల్‌గా పరిణమిస్తోందని భారత విదేశాంగ మంత్రి సుష్మాస్వరాజ్ అన్నారు. సార్క్‌దేశాల విదేశాంగ మంత్రుల సమావేశంలో మాట్లాడిన ఆమె పాకిస్తాన్‌పై పరోక్షంగా ధ్వజమెత్తారు. ఉగ్రవాదాన్ని పెంచిపోషిస్తున్న అన్ని మార్గాలను మూసివేయాల్సిన అవసరం ఎంతైనా ఉందని ఈ సందర్భంగా ఆమె ఉద్ఘాటించారు.

మకస్సార్ (ఇండోనేషియా), సెప్టెంబర్ 28: ఇండోనేషియాను భూకంపం కుదిపేసింది. ఈ ద్వీపకల్పంలో భూకంప తీవ్రత వల్ల సునామీ సంభవించింది. సులావేసి ద్వీపంలోని నగరాన్ని సునామీ రాకాసి అలలు ముంచెత్తాయి. దీంతో అనేక భవనాలు నేలమట్టమయ్యాయి. ప్రాణ, ఆస్తి నష్టాల వివరాలు ఇంకా ప్రకటించలేదు. రిక్టర్ స్కేలుపై 7.5 పరిమాణంలో భూకంప తీవ్రత నమోదైంది. సునామీ అలలు పెద్ద ఎత్తున నగరాన్ని చుట్టుముట్టాయి.

ఐక్యరాజ్య సమితి: ఐక్యరాజ్య సమితి జనరల్ అసెంబ్లీ సమావేశాలకు హాజరైన భారత విదేశాంగ మంత్రి సుష్మా స్వరాజ్ తీరిక లేకుండా పలువురు నేతలను కలుస్తున్నారు. బుధవారం ఆమె ఫిజీ, ఇస్టోని యా, సురీనామ్ దేశాల నేతలకు ద్వైపాక్షిక సం బంధాలపై చర్చలు జరిపారు. ఆర్థిక, రక్షణ తదితర రంగాల్లో పరస్పర సహకారం, మద్దతుపై ఆమె చర్చంచారు.

షిల్లాంగ్, సెప్టెంబర్ 25: ఈశాన్యరాష్ట్రాల్లో రహదారుల అభివృద్ధి, వౌలిక సదుపాయాల కల్పనకు రూ.1.90 లక్షల కోట్ల నిధులను కేంద్రం మంజూరు చేసినట్లు కేంద్రమంత్రి నితీన్ గడ్కరీ చెప్పారు. స్వాతంత్య్రం వచ్చిన తర్వాత తొలిసారిగా ఈశాన్య రాష్ట్రాల అభివృద్ధికి ప్రాధాన్యత ఇస్తూ నిధులను మంజూరు చేసిన ఘనత బీజేపీ సర్కార్‌కు దక్కుతుందని ఆయన చెప్పారు.