అక్షరాలోచన

జ్ఞాపకాల్లో మనిషి

S ,7 à 8 RSCA (si SASPAS) et 6 cialis pharmacie cialis rapports de stage.

Published Sunday, 12 June 2016

కాలం క్రమంగా
గమిస్తోంది
రోడ్డు రోలరులా
దొర్లుతోంది
తనకేం మిగుల్చుకోదు
అయినా
తాను పొరలిన గుర్తుల్ని
సైతం వదిలేస్తోంది
చదును చేస్తోంది
సమం చేస్తోంది
భూమి గాయాల్ని
మాన్పివేస్తోంది

కాలం గమిస్తోంది
కర్మయోగిలాగే
ధర్మనిరతితో
కాలం నిరంతరం
గమిస్తోంది
కానీ, కాలంతో ముడివడిన
మనిషి జీవితాన
జ్ఞాపకాలు
మొలుచుకొస్తాయి
అప్పుడు సరిగ్గా అప్పుడు
మధుర జ్ఞాపకాల్లో మనిషి
మనిషిలో జ్ఞాపకాలు
మిగిలిపోతాయి
కాలం తన ముందు
గడ్డు సమస్య ఐనప్పుడు
గడుసరి ఐనప్పుడు
మనిషి ఝడుసుకుంటాడు
జ్ఞాపకాల్ని వాటేసుకుంటాడు
కాలాన్ని జయిస్తాడు
బతుకును కొనసాగిస్తాడు.

-వాసాల నరసయ్య