అక్షరాలోచన
‘మిరప’ ఘోష
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 18 June 2017
- గిరిప్రసాద్ చెలమల్లు 9493388201
సన్నగా పొందిగ్గా
పొడుగ్గా పెరిగి
పక్వానికొచ్చి
ఎర్రగా మిలమిల మెరిసే
నన్ను అల్లారుముద్దుగా పెంచుకున్న
నా రైతు బతుకుటకై
మార్కెట్టుకు తరలించగా
వేలంలో వెర్రిగా బలై
కూడబలుక్కున్న దళారీల దగుల్బాజీల
మూడుముక్కలాటలో
ముప్పుతిప్పలపాలై
అప్పుల రొంపిలో
ఎగబోస్తూ ఎగాదిగా
తూలనాడుతూ
తక్కెడలో తూస్తున్న నన్ను చూసి
బోరుమని విలపిస్తుంటే
ఓదార్చలేని నేను
దళారీ బస్తాలో తొక్కేస్తుంటే
నా ఘోష నా రైతు ఘోష
పిక్కటిల్లేలా ప్రతిధ్వనిస్తుంటే
ప్రతిస్పందనే కరువాయె
నీరోల పాలనలో నేనే మిరపకాయని
సీమ టపాకాయలా పేలితే
ఏలికల కళ్లల్లో మంటలు
దారి కానరాక భవిత శూన్యమే