అమ్మ చేతిలో పిల్లనగ్రోవి

మా ఇంటి చూరు కింద కుంపటి
పస్తుల పూటల్ని దాటుకుంటూ
ఇయ్యాల.. కాస్తంత రాజుకొంటుంది
ఒళ్లంతా పేదరికాన్ని కప్పుకున్న
కట్టెలు కూడా కనికరంగా
పెళపెళమంటున్నాయ

కుంపటిపై కుండ కాగితే
నాలుగు ముద్దలు ఉడుకుతాయ
ఆత్రంగా ఎదురుచూసే
ఆ బక్కచిక్కిన కడుపున
ఆకలి తీర్చే జావవుతాయ
అందుకేనేమో... పేగుల్ని బిగబెట్టుకుని
గుండెలదాకా ఊపిరి పీల్చుకుని
అమ్మ... పొగ గొట్టం
ఆత్రంగా ఊదుతోంది
పొగబారిన ఆ కళ్లకు
బిడ్డ ఆకలి స్పష్టంగా కనపడుతూనే ఉంది
ఇప్పుడు అమ్మ చేతిలో పొగ గొట్టం
బిడ్డల ఆకలి తీర్చే పిల్లనగ్రోవి
అందుకే... మరింత తన్మయత్వంతో
ఆ డొక్కల్లో గాలి ఎగదన్నుతోంది
కుండపై జావ పొంగుతోంది!