ఖైరతాబాద్, సెప్టెంబర్ 11: భార్య ప్రవర్తనపై విసుగుచెందిన భర్త రోకలి బండతో మోదీ హత్యచేసిన సంఘటన బంజారాహిల్స్ పోలీస్‌స్టేషన్ పరిధిలో చోటుచేసుకుంది. ఎస్‌ఐ రామ్‌రెడ్డి తెలిపిన వివరాల ప్రకారం.. మంచిలీపట్నానికి చెందిన ప్రశాంత్, జోత్స్నలు భార్యభర్తలు. అధిక సమయం సామాజిక మాధ్యమాలలో గడుపుతూ నిర్లక్ష్యంగా వ్యవహరిస్తున్న భార్య తీరును మార్చుకోవాలని పలుమార్లు సూచించినా మార్పు రాలేదు.

వెల్దుర్తి, సెప్టెంబర్ 11: మండల కేంద్రమైన వెల్దుర్తిలోని సెంట్రల్ బ్యాంకు ఆఫ్ ఇండియాలో మంగళవారం నాడు తెల్లవారు జామున ఓ అగంతకుడు బ్యాంకు వెనుక భాగంలో గల ఎగ్జాస్ట్ ఫ్యాన్‌ను తోలగించి అందులోకి దూరిన అగంతకుడు బ్యాంకులో గదులన్నీ తిరిగి దోచేందుకు ఏమీ కనిపించక పోవడంతో అగంతకుడు తిరిగి వెళ్లిన సంఘటన చోటు చేసుకుంది.

మాక్లూర్, సెప్టెంబర్ 11: మాక్లూర్ మండల కేంద్రంలో సోమవారం అర్ధరాత్రి ఇరువర్గాల మధ్య జరిగిన ఘర్షణతో గ్రామంలో ఉద్రిక్తత పరిస్థితులు నెలకొన్నాయి. రెండు వర్గాల మధ్య మాటమాట పెరిగి, కత్తులు దూసుకునే స్థాయికి చేరుకుంది. విషయాన్ని పసిగట్టిన కొందరు స్థానిక పోలీసులకు సమాచారం అందించడంతో వారు హుటాహుటిన సంఘటనా స్థలానికి చేరుకుని ఇరువర్గాలను చెదరగొట్టడంతో పెను ప్రమాదమే తప్పింది.

దేవరకొండ, సెప్టెంబర్ 11: మండలంలోని తాటికోల్ గ్రామ వాగు నుండి ఇసుకను తరలించేందుకు వచ్చిన రెండు ఇటాచీలను మంగళవారం ఉదయం గుర్తు తెలియని వ్యక్తులు పెట్రోల్ పోసి తగలబెట్టారు. తీవ్ర ఉద్రిక్త పరిస్థితులకు తావిచ్చిన ఈ సంఘటనకు సంబంధించిన వివరాలిలా ఉన్నాయి. తాటికోల్ వాగు నుండి ఇసుకను తరలించేందుకు ప్రభుత్వం అనుమతి ఇవ్వడంతో గత రెండు నెలలుగా వాగు నుండి ఇసుకను తరలించేందుకు కాంట్రాక్టర్ ప్రయత్నం చేస్తున్నాడు.