టాలీవుడ్‌లో ఇలియానాది ఓ ప్రత్యేక క్రేజ్. అప్పట్లో యువతను తన అంద చందాలతో ఆకట్టుకున్న ఈమె, బాలీవుడ్‌లో హీరోయిన్‌గా వెలగాలనే ఆశతో సౌత్‌లో మంచి ఇమేజ్‌ను వదులుకుని అక్కడికి వెళ్లింది. అడపాదడపా సినిమాలు చేసినా కూడా బాలీవుడ్‌లో ఇలియానాకు పెద్దగా కలిసిరాలేదు. దాంతో గ్లామర్ బాట పట్టి అప్పుడప్పుడు హాట్ హాట్ ఫొటోలంటూ సందడి చేసింది. అయినా సరే ఛాన్సులు మాత్రం రావడంలేదు.

జీవితంలో కెరీర్ ఒక భాగం మాత్రమే, అదే జీవితం కాదు అనే విషయాన్ని తెలియజెప్పే విలువలతో కూడిన కుటుంబ కథాచిత్రం ‘ప్రేమతో మీ కార్తీక్’. రమణశ్రీ పతాకంపై రమణశ్రీ గుమ్మకొండ, రవీందర్ గుమ్మకొండ సంయుక్తంగా రూపొందిస్తున్న ఈ చిత్రానికి దర్శకుడు రిషి. సినిమా షూటింగ్ పూర్తయి పోస్ట్ ప్రొడక్షన్ కార్యక్రమాలు జరుపుతున్నారు.

చలపతి సినీ ఫిలింస్ పతాకంపై స్వీయ దర్శకత్వంలో టి.చలపతి రూపొందించిన చిత్రం ‘చామంతి’. సెన్సార్ కార్యక్రమాలు పూర్తిచేసుకొని విడుదలకు సిద్ధమైంది. నూతన తారాగణంతో పూర్తిస్థాయి రొమాంటిక్ హారర్ కథ నేపథ్యంతో అడవి నేపథ్యంలో సాగే ఈ చిత్రం యువతకు నచ్చుతుందని దర్శక నిర్మాత టి.చలపతి తెలియజేశారు.

గుడ్ సినిమా గ్రూప్ పతాకంపై శ్రేయాస్ శ్రీనివాస్, తూము ఫణికుమార్ సంయుక్తంగా రూపొందించిన సస్పెన్స్ థ్రిల్లర్ చిత్రం ‘వెంకటాపురం’. రాహుల్, మహిమా మక్వాన్ జంటగా నటించిన ఈ చిత్రాన్ని వేణు దర్శకత్వంలో రూపొందించారు. సినిమాకు సంబంధించిన తొలి పాటను దర్శకుడు వి.వి.వినాయక్ విడుదల చేశారు. ఈ చిత్రాన్ని అన్ని కార్యక్రమాలు పూర్తిచేసి ఈనెల 29న విడుదల చేయడానికి సన్నాహాలు చేస్తున్నారు.