న్యూఢిల్లీ, సెప్టెంబరు 7: తెలంగాణ ఆపద్ధర్మ ముఖ్యమంత్రి కె.చంద్రశేఖర్‌రావు కేంద్ర ఎన్నికల కమిషనరా అని సీపీఐ నేతలు ప్రశ్నించారు. తెలంగాణ అసెంబ్లీకి ముందుగానే ఎన్నికల షెడ్యూల్‌ను ఆయన ప్రకటించారని ఆరోపిస్తూ ఎన్నికల సంఘానికి సీపీఐ ఫిర్యాదు చేసింది.

న్యూఢిల్లీ, సెప్టెంబర్ 7: దేశ ప్రజల ఆరోగ్య పరిరక్షణ కోసం భారత ప్రధాని నరేంద్ర మోదీ ప్రారంభించిన ‘ఆయుష్మాన్ భారత్’ పథకం అద్భుతమని ప్రపంచ ఆరోగ్య సంస్థ (డబ్ల్యూహెచ్‌ఓ) డైరెక్టర్ జనరల్ డాక్టర్ టెడ్రాస్ గెబ్రియోసిస్ కితాబునిచ్చారు. ఇలాంటి పథకాల ద్వారా అట్టడుగు వర్గాల ప్రజలకు ఎంతో మేలు జరుగుతుందని ట్వీట్ చేశారు. ఇలాంటి పథకాన్ని ప్రవేశపెట్టిన మోదీని ప్రశంసించారు.

సిలిగురి (పశ్చిమ బెంగాల్) సెప్టెంబర్ 7: పశ్చిమ బెంగాల్‌లో ఉత్తర ప్రాంతంలోని సిలిగురి సమీపంలో మరో పురాతన వంతెన శుక్రవారం కుప్పకూలింది. ఈ ప్రమాదంలో ఓ ట్రక్ డ్రైవర్ గాయపడ్డారు. మూడు రోజుల వ్యవధిలో ఆ రాష్ట్రంలో ఇలా పాత వంతెనలు కూలిపోవడం ఇది రెండోసారి. దక్షిణ కోల్‌కతాలో సెప్టెంబర్ 4న మజర్హత్ వంతెన కూలిపోయిన ఘటనలో ముగ్గురు మృత్యువాత పడగా, 24మంది గాయపడిన సంగతి తెలిసిందే.

న్యూఢిల్లీ, సెప్టెంబర్ 7: వచ్చే ఐదేళ్లలో దేశంలోని మొత్తం వాహనాల సంఖ్యలో 15 శాతం ఎలక్ట్రిక్ వాహనాలను తీసుకువచ్చి కాలుష్యాన్ని తగ్గించడమే కాక, ఇంధన వాడకాన్ని గణనీయంగా తగ్గించాలన్నది తమ ప్రభుత్వ ధ్యేయమని ప్రధాని నరేంద్రమోదీ పేర్కొన్నారు.