ముంబయి, సెప్టెంబర్ 5: సుప్రసిద్ధ బాలీవుడ్ నటుడు దిలీప్ కుమార్ వయోభారం సమస్యలతో బుధవారం ఆసుపత్రిలో చేరారు. ఆయన వయస్సు 95 సంవత్సరాలు. ఛాతి సంబంధమైన సమస్యలతో దిలీప్‌కుమార్ గత కొంత కాలంగా బాధపడుతున్నట్లు బాలీవుడ్ వర్గాలు తెలిపాయి. ముంబాయి లీలావతిలో దిలీప్ కుమార్‌ను ఆయన కుటుంబ సభ్యులు చేర్పించారు.

చండీగఢ్, సెప్టెంబర్ 5: పే స్కేలు పెంపులతోపాటు ఎంతోకాలం నుండి అపరిష్కృతంగా ఉన్న పలు డిమాండ్ల సాధన కోసం పంజాబ్ రాష్ట్రంలో ఆరువేలకు పైగా ప్రభుత్వం, ప్రభుత్వేతర కళాశాలలకు చెందిన ఉపాధ్యాయులు మూకుమ్మడి సెలవు పెట్టారు. ఒక్కసారిగా వేలాదిమంది టీచర్లు సెలవు పెట్టడంతో రాష్టమ్రంతటా ఆందోళన నెలకొంది.

న్యూఢిల్లీ, సెప్టెంబర్ 5: ఉద్యోగ భద్రత కోసం ఊగిసలాడుతున్న జర్నలిస్టులకు సామాజిక భద్రత కల్పించాల్సిన అవసరం ఎంతైనా ఉందని ప్రెస్ కౌన్సిల్ ఆఫ్ ఇండియా (పీసీఐ) చైర్మన్ జస్టిస్ సీకే ప్రసాద్ అభిప్రాయపడ్డారు. సామాజిక భద్రత కరువైన జర్నలిస్టులు వృత్తికి న్యాయం చేయలేరని ఆయన అభిప్రాయపడ్డారు.

న్యూఢిల్లీ, సెప్టెంబర్ 5: కేంద్రం అమలు చేస్తున్న ఉద్యోగుల కంట్రిబ్యూటరీ పెన్షన్ విధానం రద్దుచేసి, పాత పెన్షన్ విధానాన్ని అమలు చేయాలని ఏపీ ఏన్జీవోలు పార్లమెంట్ వీధిలో బుధవారం ఆందోళన నిర్వహించారు. ఈ సందర్భంగా ఏపీ ఏన్జీవోల సంఘం నాయకులు అశోక్‌బాబు, చంద్రశేఖర్ రెడ్డి మాట్లాడుతూ పదవీ విరమణ చేసిన ప్రభుత్వ ఉద్యోగులకు సాంఘిక భద్రతగా ఉపయోగపడుతున్న పెన్షన్ విధానాన్ని కేంద్రం రద్దు చేసిందని ఆరోపించారు.