న్యూఢిల్లీ, జూలై 25: విదేశాల్లోని వివిధ జైళ్లలో 8,363 మంది భారతీయులు మగ్గుతున్నారని కేంద్ర ప్రభుత్వం లోక్‌సభలో తెలిపింది. కేంద్ర విదేశీ వ్యవహారాల శాఖ సహాయ మంత్రి వీకే సింగ్ బుధవారం జరిగిన సమావేశంలో ఈ విషయమై రాతపూర్వంగా సమాధానం తెలిపారు.

న్యూఢిల్లీ, జూలై 25: ఆంధ్రప్రదేశ్ విభజన చట్టంపై మంగళవారం రాజ్యసభలో జరిగిన చర్చ సందర్భంగా తాను ప్రవర్తించిన తీరుకు వైఎస్సార్ కాంగ్రెస్ పార్టీ సభ్యుడు విజయ సాయిరెడ్డి క్షమాపణ చెప్పారు. చర్చలో తమ పార్టీకి సరైన సమయం కేటాయించలేదని, చైర్మన్ వెంకయ్య నాయుడు ఏకపక్షంగా వ్యవహరిస్తున్నారని పోడియం వద్దకు వచ్చి ఆగ్రహం వ్యక్తం చేస్తూ సభనుంచి వాకౌట్ చేసిన విషయం తెలిసిందే.

న్యూఢిల్లీ, జూలై 25: తృణమూల్ కాంగ్రెస్, బీజేపీ ఎంపీలు బుధవారం లోక్‌సభలో బాహాబాహీకి సిద్ధమయ్యారు. తృణమూల్ కాంగ్రెస్‌కు చెందిన కళ్యాణ్ బెనర్జీ తదితరులు ఆగ్రహంతో అధికార పక్షం వైపు దూసుకువచ్చి బీజేపీ సభ్యుడు కిరట్ సోమయ్యపై దాడికి సిద్ధమయ్యారు. బీజేపీ సభ్యుడు అనురాగ్ ఠాకూర్ తదితరులు అడ్డంపడి తృణమూల్ సభ్యులను శాంతపరిచి వారి సీట్లలోకి పంపించి వేశారు.

ముంబయ: రిజర్వేషన్ల కోసం బంద్ చేపట్టిన మరాఠాలు విరమించుకున్నారు. ఈ బంద్ పిలుపుతో పలుచోట్ల హింసాత్మక సంఘటనల చోటుచేసుకున్నాయ. బంద్ మరింత హింసాత్మకం కాకుండా నిలువరించేందుకుగానూ బంద్ ఉపసంహరించుకున్నట్లు మరాఠా క్రాంతి సమాజ్ వెల్లడించింది. దీంతో ముంబయలో ఇప్పుడు ట్రాఫిక్ పునరుద్ధరణ చర్యలు చేపట్టారు.