న్యూఢిల్లీ: ఐఎన్‌ఎక్స్ మీడియా కేసులో ఈడీ, సీబీఐ విచారణను ఎదుర్కొంటున్న కార్తీకి విదేశాలకు వెళ్లేందుకు అనుమతి లభించింది. ఈనెల 23 నుంచి 31 వరకు ఆయన అమెరికా, యూకే, ఫ్రాన్స్ దేశాలలో పర్యటించేందుకు అనుమతి లభించింది. ఈ మేరకు అత్యున్నత న్యాయస్థానం అనుమతి ఇచ్చింది.

న్యూఢిల్లీ: పోలవరం ప్రాజెక్టుకు వ్యతిరేకంగా ఒడిశా ప్రభుత్వం దాఖలు చేసిన పిటిషన్‌పై సుప్రీం కోర్టులో జస్టిస్ మదన్ బి.లోకూర్ నేతృత్వంలో ధర్మాసనం విచారణ చేపట్టింది. ఏయే అంశాలపై వాదనలు వినిపించాలనే విషయంపై నివేదిక ఇవ్వాలని అత్యున్నత న్యాయస్థానం కోరినప్పటికీ ఒడిశా, తెలంగాణ, ఛత్తీస్‌గఢ్ వివరాలు ఇవ్వలేదని ఏపీ తరపున న్యాయవాది తెలుపటంతో తదుపరి విచారణను జూలై 30కి వాయిదా వేసింది.

న్యూఢిల్లీ: పార్లమెంటు ఆవరణలో టీడీపీ ఎంపీల ఆందోళన కొనసాగుతుంది. ఏపీకి ప్రత్యేక హోదా ఇవ్వాలని డిమాండ్ చేస్తూ గాంధీ విగ్రహం ఎదుట ఆందోళన చేశారు. ప్రధాని, కేంద్రం ఏ ఒక్క అంశంపైనా స్పష్టత ఇవ్వలేదని అన్నారు. చిత్తూరు ఎంపీ శివప్రసాద్ అన్నమయ్య వేషధారణలో పాల్గొన్నారు.

న్యూఢిల్లీ, జూలై 22: మైనర్లపై జరుగుతున్న అత్యాచారాల నిరోధక చట్టం ‘పొక్సో‘కు పదును పెట్టి, బాలురపై అత్యాచార సంఘట నల్లోనూ దోషులను మరింత కఠినంగా శిక్షించేలా సవరణలు తీసుకురావాలని మహిళా శిశు సంక్షే మ మంత్రిత్వ శాఖ (డబ్ల్యూసీడీ) పట్టుదలతో ఉంది. బాలురు కూడా అత్యాచార బాధి తులేనని, వారిపై అమానుష చర్యకు ఒడిగట్టివారికి ప్రస్తుతం విధిస్తున్న శిక్ష సరిపోదని స్పష్టం చేస్తున్నది.