న్యూఢిల్లీ: ఏపీకి ప్రత్యేక హోదా కల్పించాలని కోరుతూ పార్లమెంటు ఆవరణలోని గాంధీ విగ్రహం వద్ద టీడీపీ ఎంపీలు ధర్నా నిర్వహించారు. విభజన చట్టంలోని హామీలన్నింటినీ అమలు చేయాలని వారు డిమాండ్ చేశారు. టీడీపీ ఎంపీ శివప్రసాద్ రచయిత శంకరంబాడి సుందరాచారి వేషధారణలో వచ్చారు.

ముంబయి: ముంబయిలో ఓ కారు విధ్వంసం సృష్టించింది. సర్దార్ వల్లభాయ్ పటేల్ నగర్‌లో ఓ కారు అదుపుతప్పి వాహనాల పార్కింగ్ వైపునకు దూసుకురావటంతో దాదాపు 12 వాహనాలు ధ్వంసమయ్యాయి. కారు డ్రైవర్‌ను అదుపులోనికి తీసుకుని పోలీసులకు పట్టించి ఇచ్చారు. అతను డ్రగ్స్ తీసుకుని ఉన్నాడని, వాహనాల ఎయిర్ కండీషినింగ్ కంపెనీకి డైరెక్టర్‌గా పనిచేస్తున్నాడని పోలీసులు వెల్లడించారు.

కోల్‌కతా నగరం భారీ వర్షాలతో అతలాకుతలమవుతోంది. రోడ్లపై మోకాలి లోతు నీళ్లలోనే వాహనాలను నడపాల్సిన పరిస్థితి నెలకొంది. ఆ పరిస్థితుల్లోనే విద్యార్థులు స్కూళ్లకు వెళుతున్నారు

న్యూఢిల్లీ, జూలై 23: రాజ్యసభలో సభ్యులు లేవనెత్తే అంశాలపై నోటీసులు సమర్చించేందుకు ఆన్‌లైన్ విధానం ఏర్పాటైంది. ఇందుకోసం ప్రత్యేకంగా ఓ యాప్‌ను రూపొందించినట్లు చైర్మన్ ఎం. వెంకయ్య నాయుడు వెల్లడించారు. సెక్యూర్ ఇ నోటీసెస్ అప్లికేషన్ పేరిట ఏర్పాటైన ఈ యాప్‌ను సభ్యులు వినియోగించుకోవాలని ఆయన సూచించారు.