న్యూఢిల్లీ, జూలై 23: ఉత్తర ఈశాన్య ప్రాంతాల్లోని రాష్ట్రాలతోపాటు జమ్మూ అండ్ కాశ్మీర్‌లో ప్రస్తుతం అమలులో ఉన్న పారిశ్రామిక అభివృద్ధి పథకాల అమలు కింద ఆంధ్రప్రదేశ్ రాష్ట్రాన్ని కూడా చేర్చాలంటూ ఎలాంటి ప్రతిపాదన తమకు అందలేదని కేంద్ర ప్రభుత్వం స్పష్టం తెలిపింది. ఈ విషయమై లోక్‌సభలో సోమవారం జరిగిన సమావేశంలో కేంద్ర వాణిజ్య, పరిశ్రమల శాఖ సహాయ మంత్రి సీఆర్ చౌదరి రాతపూర్వక సమాధానం చెప్పారు.

న్యూఢిల్లీ: పోలవరానికి సంబంధించి ఆంధ్రప్రదేశ్‌లోని తెలుగుదేశం ప్రభుత్వం పంపించిన రూ.58,319 కోట్ల సవరించిన అంచనాలను ఇంకా ఆమోదించ లేదని కేంద్ర జలవనరుల శాఖ సహాయ మంత్రి అర్జున్‌రామ్ మేఘ్‌వాల్ తెలిపారు. కాంగ్రెస్ రాజ్యసభ సభ్యుడు కేవీపీ రామచందర్‌రావు అడిగిన ప్రశ్నకు మేఘవాల్ లిఖితపూర్వకంగా ఇచ్చిన సమాధానంలో ఈ విషయం తెలిపారు.

న్యూఢిల్లీ, జూలై 23: ఆంధ్రప్రదేశ్‌కు ప్రత్యేక హోదా, విభజన హామీల అమలులో తెలుగుదేశం పార్టీకి చిత్తశుద్ధి లేదని వైఎస్సార్ కాంగ్రెస్ ఎంపీ విజయసాయిరెడ్డి ఆరోపించారు. ఎంపీ విజయసాయిరెడ్డి విలేఖరులతో మాట్లాడుతూ ఏపీకి ప్రత్యేక హోదా బదులుగా కేంద్రం ప్రకటించిన ప్రత్యేక ప్యాకేజీకి ధన్యవాదాలు తెలుపుతూ ముఖ్యమంత్రి చంద్రబాబు చేసిన తీర్మానాలను ఎప్పుడు వెనక్కి తీసుకుంటారని ప్రశ్నించారు.

న్యూఢిల్లీ, జూలై 23: తెలంగాణలో వచ్చే సంవత్సరం జరిగే లోక్‌సభ, అసెంబ్లీ ఎన్నికల్లో విజయం సాధించేందుకు తెలుగుదేశం పార్టీతో సీట్ల సర్దుబాటు చేసుకోవాలని రాష్ట్ర తెలంగాణ నేతలు ప్రతిపాదించినట్టు సమాచారం. ఈ అంశాన్ని కాంగ్రెస్ అధినాయకత్వం పరిశీలిస్తున్నట్లు తెలిసింది. తెలంగాణలో కాంగ్రెస్‌తో కలిసి పని చేసేందుకు టీడీపీ అధినాయకత్వం విముఖత చూపించకపోవచ్చుననే మాట వినిపిస్తోంది.