లక్నో, జూన్ 2: అధికారిక బంగ్లాలను ఖాళీ చేయాలంటూ మాజీ సీఎంలకు సుప్రీం కోర్టు విధించిన గుడువుకు ఒకరోజు ముందే మాజీ సీఎంలు కదలిక మొదలైంది. మాజీ సీఎం అఖిలేష్ యాదవ్, ఆయన తండ్రి ములాయం సింగ్‌లు వీవీఐపీ అతిధి గృహానికి బస మార్చుకున్నారు. అదేవిధంగా మాయావతి ఒక అధికారిక బంగ్లాను ఖాళీ చేస్తూ, తానుంటున్న రెండో భవంతిని బీఎస్పీ ఫౌండర్ కాన్షీరామ్ స్మారక కేంద్రంగా మార్చాలని కోరుతున్నారు.

నాగ్‌పూర్, జూన్ 2: దేశంలో వ్యవసాయ రంగం ఎదుర్కొంటున్న సమస్యలను అధిగమించడానికి కేంద్రం యుద్ధప్రాతిపదికన చర్యలు తీసుకుంటోందని మంత్రి నితిన్ గడ్కరీ స్పష్టం చేశారు. వ్యవసాయ ఉత్పత్తుల్లో మిగులుతో సమస్యలు తలెత్తుతున్నాయని అన్నారు. కేంద్రంలో ఎన్‌డీఏ ప్రభుత్వం నాలుగేళ్లలో సాధించిన అభివృద్ధిని శనివారం ఇక్కడ మీడియా సమావేశంలో కేంద్ర నౌక, రవాణా మంత్రి గడ్కరీ వెల్లడించారు.

కోజికోడ్, జూన్ 2: నిఫావైరస్ భయంతో కేరళ ప్రభుత్వం స్కూళ్ల పునః ప్రారంభాన్ని వాయిదా వేయడంతో పాటు జరగాల్సిన అన్ని ముఖ్యమైన పరీక్షలను రద్దు చేసింది. శనివారం రాష్ట్ర ఆరోగ్యశాఖ మంత్రి కెకె శైలజ నేతృత్వంలో ఉన్నతస్థాయి సమావేశం జరిగింది. అదనపు ముఖ్య కార్యదర్శి రాజీవ్ సదానందన్ తదితరులతో జరిపిన ఈ సమావేశంలో నిఫా వైరస్‌పై పరిస్థితిని సమీక్షించారు.

న్యూఢిల్లీ, జూన్ 2: ప్రస్తుతం దేశంలోని ప్రభుత్వ, ప్రైవేట్ సంస్థలకు అవసరమైన మానవవనరులు దేశంలో లభించడం లేదని, వివిధ విద్యాసంస్థల నుంచి చదువు పూర్తిచేసుకుని వస్తున్న వారి నైపుణ్యాలు సంస్థలకు పనికిరాకుండా పోతున్నాయని, వారి అవసరానికి, వీరి ప్రతిభకు పొంతన లేకుండా పోతోందని మాజీ రాష్టప్రతి ప్రణబ్ ముఖర్జీ పేర్కొన్నారు.