న్యూఢిల్లీ: ఎన్నికల విషయంలోనైనా సమాచారం బయటపడకుండా ఎన్నికల సంఘం జాగ్రత్తలు తీసుకోవాలని కాంగ్రెస్ సీనియర్ నేత మల్లికార్జున ఖర్జే హితవు పలికారు. కర్ణాటక అసెంబ్లీ ఎన్నికల తేదీని ఈసీ కంటే ముందే బీజేపీ ఐటీ సెల్ అధిపతి అమిత్ మాలవీయ ఓ ట్వీట్‌లో పేర్కొనడంపై ఖర్గే ఘాటిగా స్పందించారు. ఒక రాజకీయ పార్టీకి ఇలాంటి సమాచారం ముందే అందడం అనేది గతంలో నేనెప్పుడూ చూడలేదు అని అన్నారు.

బెంగళూరు: అలనాటి నటి జయంతి తీవ్ర అస్వస్థతకు లోనయ్యారు. బెంగళూరులో ఉంటున్న ఆమె కొంత కాలంగా ఆరోగ్య సమస్యలతో ఇబ్బంది పడుతున్నారు. వైధ్యుల సూచన మేరకు విక్రమ్‌ హాస్పిటల్‌ లో జాయిన్‌ చేశారు. ప్రస్తుతం జయంతికి ఐసీయూలో ఉంచి చికిత్స అందిస్తున్నారు.ఆమె ఆరోగ్య పరిస్థితి ఆందోళనకరంగానే ఉన్నట్టుగా తెలుస్తోంది. ఆమె ఆస్తమా, శ్వాసకోశ సమస్యలతో బాధపడుతున్నారు.

న్యూఢిల్లీ: వైకాపా ఎంపీ విజయసాయిరెడ్డి ఆంధ్రుల పరువు తీశారని తెలుగుదేశం ఎంపీ సీఎం రమేష్ విమర్శించారు. ఆయన మంగళవారంనాడు మీడియాతో మాట్లాడుతూ.. మోదీ పాదాలపై పడతారు. బయటకు వచ్చి చంద్రబాబును విమర్శిస్తారు అని అన్నారు. ప్రధాని కాళ్లపై పడలేదని విజయసాయిరెడ్డి గుండెలపై చేయి వేసుకుని చెప్పాలని, ఆధారాలు చూపిస్తే రాజీనామా చేస్తారా అని సవాల్ విసిరారు.

అమరావతి: అఖిలపక్షం చేసే తీర్మానాన్ని అంగీకరించమని చెప్పినట్లు సిపిఎం కార్యదర్శి మధు తెలిపారు. ఏపీ ప్రభుత్వం ఏర్పాటుచేసిన అఖిలపక్ష సమావేశంలో పాల్గొన్న అనంతరం ఆయన మీడియాతో మాట్లాడుతూ.. రాష్ట్ర ప్రయోజనాల కోసం ఈ నాలుగేళ్లు అఖిలపక్ష సమావేశాలు ఏర్పాటుచేసి కేంద్రంపై ఒత్తిడి తెచ్చి ఉంటే బాగుండేదని ఆయన అన్నారు. ప్రభుత్వ వైఫల్యాలపై సమావేశంలో వివరించామని లోక్‌సత్తా నాయకుడు గౌతమ్ పేర్కొన్నారు.