న్యూఢిల్లీ, మార్చి 27: రాజ్యసభలో మంగళవారం అసాధారణ సంఘటన చోటుచేసుకుంది. రాజ్యసభ ఛైర్మన్ వెంకయ్యనాయుడు సభను మరునాటికి వాయిదా వేసిన తర్వాత కూడా, కాంగ్రెస్ సహా పలు విపక్ష సభ్యులు తమ సీట్లలోనే 30 నిముషాల సేపు అట్లాగే కూర్చోవడం ఆశ్చర్యాన్ని కలిగించింది. బహుశా వెంకయ్యనాయుడు సభ వాయిదావేస్తూ తీసుకున్న నిర్ణయంపట్ల వారు తమ అసంతృప్తిని వారు ఆ విధంగా వ్యక్తం చేసి ఉండివుండవచ్చు.

బెంగళూరు, మార్చి 27: నాటి మేటినటి జయంతి మంగళవారం బెంగళూరులోని ఒక ప్రైవేటు ఆసుపత్రిలో కన్నుమూశారు. ఉదయం నుంచే ఆందోళనకరంగా కొనసాగిన ఆమె ఆరోగ్యపరిస్థితి, రాత్రి పొద్దుపోయిన తర్వాత మరింత క్షీణించడంతో తుదిశ్వాస విడిచారని ఆసుపత్రి వర్గాలు తెలిపాయి. తెలుగు, తమిళం, హిందీ, మలయాళం, కన్నడ, మరాఠీ భాషల్లోని దాదాపు 500 చిత్రాల్లో నటించారు.

న్యూఢిల్లీ, మార్చి 27: కర్నాటక అసెంబ్లీ ఎన్నికల తేదీలు ప్రకటించిన రోజునే బీజేపీపై దాడికి కాంగ్రెస్‌కు అద్భుత అవకాశం అమిత్ షా రూపంలో దక్కింది. ప్రత్యర్థిని విమర్శించబోయి, పొరబాటున సొంత పార్టీ సీఎం అభ్యర్థిపైనే అమిత్ అవినీతి వ్యాఖ్యలు చేయడం, కాంగ్రెస్‌కు కలిసొచ్చిన అంశంగా కనిపిస్తోంది.

న్యూఢిల్లీ: కాంగ్రెస్, బీజేపీలకు అత్యంత ప్రతిష్ఠాత్మకంగా మారిన కర్నాటక శాసనసభ ఎన్నికల నగారా మోగింది. 224 సీట్లకు మే 12న పోలింగ్ జరుగుతుంది.. ఓట్ల లెక్కింపు, ఫలితాల ప్రకటన మే 15న జరుగుతుందని కేంద్ర ఎన్నికల సంఘం ప్రధానాధికారి రావత్ మంగళవారం విలేఖరుల సమావేశంలో ప్రకటించారు.