న్యూఢిల్లీ, మార్చి 28: ఎస్సీ, ఎస్టీ (వేధింపుల నివారణ) చట్టాన్ని నీరుకార్చే ప్రయత్నాలపై ఆందోళన వ్యక్తం చేస్తూ రాహుల్ గాంధీ నేతృత్వంలో విపక్ష పార్టీలకు చెందిన నేతలు బుధవారం రాష్టప్రతి రామ్‌నాథ్ కోవింద్‌ను కలిసారు. ఈ చట్టంపై సుప్రీంకోర్టు ఆదేశాలు ‘దళితుల్లో అభద్రతా భావా న్ని కలిగించాయని’ పేర్కొంటూ తక్షణమే ఈ విషయంలో కలుగజేసుకోవాలని వారు రాష్టప్రతిని కో రారు.

న్యూఢిల్లీ: పార్లమెంట్ జరగకుండా సభ్యులు వ్యవహరిస్తున్న తీరుపై ప్రధాని మోదీ తీవ్ర ఆవేదన వ్యక్తంచేశారు. ఆయన బుధవారంనాడు రాజ్యసభలో మాట్లాడుతూ.. త్రిపుల్ తలాక్ వంటి బిల్లులు చర్చకు రాకుండా పోయాయని అన్నారు. పదవీ విరమణ చేస్తున్న రాజ్యసభ సభ్యులు సైతం చర్చలో పాల్గొనలేకపోయారని, ఎగువ సభలో జరిగినట్లు, రాజ్యసభలో జరగాల్సిన అవసరం లేదని అన్నారు.

న్యూఢిల్లీ: సోమవారంనాడు పార్లమెంటులో అవిశ్వాసంపై చర్చ జరుగుతుందని భావిస్తున్నామని, ఒకవేళ జరగకపోతే రాజీనామాలు చేస్తామని వైకాపా ఎంపీలు వైవీ సుబ్బారెడ్డి, మేకపాటి రాజమోహన్ రెడ్డి తెలిపారు. వారు బుధవారంనాడు విలేకరలతో మాట్లాడుతూ.. అవిశ్వాసంపై దేశవ్యాప్తంగా చర్చ జరుగుతుందని వెల్లడించారు.

న్యూఢిల్లీ: గాంధీ మహాత్ముని హత్య కేసు పునర్విచారణకు సుప్రీం కోర్టు నిరాకరించింది. డెబ్బయి సంవత్సరాల తరువాత ఈ కేసుపై పునర్విచారణ జరపటానికి గల కారణాలు సహేతుకంగా లేవని అత్యున్నత ధర్మాసనం పేర్కొంది. జస్టిస్ ఎస్‌ఏ బోబ్డే, ఎల్. నాగేశ్వరరావులతో కూడిన ధర్మాసనం పిటిషనర్ లేవనెత్తిన సందేహాలపై అభ్యంతరం వ్యక్తం చేసింది. 70 ఏళ్ల అనంతరం ఈ కేసును విచారణ చేపట్టలేమని వెల్లడించింది.