పనాజీ, జనవరి 25: మహాదాయి నదీ జలాల వివాదం నేపథ్యంలో కర్ణాటకలో గురువారం బంద్ కొనసాగుతుండటంతో ఆ రాష్ట్రానికి బస్సు సర్వీసులను గోవా ప్రభుత్వం రద్దు చేసింది. కర్ణాటక, గోవాల మధ్య మహాదాయి నదీ జలాల పంపిణీకి సంబంధించి వివాదం నెలకొన్న సంగతి తెలిసిందే. కర్ణాటకలో బంద్ దృష్ట్యా ‘కదంబ రవాణా సంస్థ లిమిటెడ్’ (కెటిఎల్‌సీ) బస్సులను నిలిపివేసినట్లు గోవా ప్రకటించింది.

న్యూఢిల్లీ/ముంబయి, జనవరి 25: అనేక వివాదాల నడుమ గురువారం నాడు విడుదలైన ‘పద్మావత్’ సినీ ప్రేక్షకులను అలరిస్తోంది. సంజయ్ లీలా భన్సాలీ చిత్రం ప్రదర్శించిన కొన్ని థియేటర్ల వద్ద భారీ భద్రతా ఏర్పాట్లు చేశారు. మెయిన్ రోల్ పోషించిన దీపికా పదుకొనే నటనకు సినీ ప్రియులు ఫిదా అయ్యారు. పద్మావత్ విడుదలకు ముందు రోజు ఆందోళనకారులు పలు రాష్ట్రాల్లో హింసకు పాల్పడ్డారు. గుర్‌గావ్‌లో ఓ స్కూలు బస్సుకు నిప్పుపెట్టారు.

న్యూఢిల్లీ, జనవరి 25: దేశ జనాభాలో 60 శాతం మంది 30 ఏళ్లలోపు వయసువారేనని, మన ఆశలన్నీ వారిపైనే కేంద్రీకృతమై ఉన్నాయని రాష్టప్రతి రామ్‌నాథ్ కోవింద్ అన్నారు. రాష్టప్రతి పదవి చేపట్టాక ఆయన తన తొలి గణతంత్ర దినోత్సవ సందేశాన్ని జాతికి ఇచ్చారు. 21వ శతాబ్ది అవసరాలను అవగతం చేసుకుని విద్యా వ్యవస్థను మరింతగా సంస్కరించాల్సి ఉందన్నారు.

న్యూఢిల్లీ, జనవరి 25: ప్రముఖ సంగీత దర్శకుడు ఇళయరాజాతోపాటు మొత్తం 85 మందికి పద్మా అవార్డులు ప్రకటించారు. రెండు తెలుగు రాష్ట్రాల నుంచి కేవలం ఒకే ఒక్కరికి పద్మశ్రీ అవర్డు లభించింది. ఆంధ్రప్రదేశ్‌కు చెందిన ప్రముఖ బ్యాట్మింటన్ క్రీడాకారుడు కిడాంబి శ్రీకాంత్‌కు పద్మశ్రీ అవార్డు ప్రకటించారు. మొత్తం 85లో ముగ్గురికి పద్మ విభూషన్, తొమ్మిది మందికి పద్మభూషన్, 73 మందికి పద్మశ్రీ అవార్డులు లభించాయి.