సూళ్లూరుపేట, జనవరి 9: భారత అంతరిక్ష పరిశోధన సంస్థ (ఇస్రో) మరో భూ పరిశీలన ఉపగ్రహ ప్రయోగానికి సన్నద్ధమైంది. భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ షార్ కేంద్రం నుంచి ఈ నెల 12న పిఎస్‌ఎల్‌వి-సి 40 రాకెట్ ప్రయోగం జరగనుంది. ఈ ప్రయోగానికి సంబంధించిన మిషన్ రెడీనెష్ రివ్యూ సమావేశం (ఎంఆర్‌ఆర్) షార్‌లోని బ్రహ్మప్రకాష్ హాలులో జరగనుంది.

న్యూఢిల్లీ, జనవరి 9: ఇతర దేశాల్లో మరణదండన విధించే పద్ధతులు ఎలా ఉన్నాయో ఆరా తీసి వివరాలు తమకు తెలియజేయాలంటూ సుప్రీం కోర్టు కేంద్ర ప్రభుత్వానికి సూచించింది. సుప్రీం ప్రధాన న్యాయమూర్తి జస్టిస్ దీపక్ మిశ్రా నేతృత్వంలోని త్రిసభ్య ధర్మాసనం ‘్ఫలానా పద్ధతిలోనే మరణశిక్షను అమలు చేయాల’ని తాము ఆదేశాలు ఇవ్వలేమని స్పష్టం చేసింది.

ఐజ్వాల్, జనవరి 9: మిజోరం శిబిరాల్లో తలదాచుకుంటున్న మయన్మార్ శరణార్థులు వెనక్కి తిరిగి వెళ్లేందుకు ఇష్టపడటం లేదని ఇక్కడి అధికారులు వెల్లడించారు. మయన్మార్‌లో సైన్యం, అర్కాన్ ఆర్మీ మిలిటెంట్ల మధ్య ఘర్షణ సమయంలో 1600మంది శరణార్థులు మిజోరం శిబిరాల్లో తలదాచుకుంటున్నారు.

న్యూఢిల్లీ, జనవరి 9: థియేటర్లలో జాతీయ గీతం ప్రదర్శించడం తప్పనిసరికాదని సర్వోన్నత న్యాయస్థానం స్పష్టం చేసింది. థియేటర్లలో జాతీయ గీతం ప్రదర్శించేటప్పుడు ప్రేక్షకులు లేచి నిలబడాలని గతంలో సుప్రీం కోర్టు ఆదేశించిన విషయం తెలిసిందే. ఇప్పుడా నిర్ణయాన్ని వెనక్కితీసుకుంటున్నట్టు ప్రధాన న్యాయమూర్తి దీపక్ మిశ్రా నేతృత్వంలోని ధర్మాసనం మంగళవారం తీర్పును వెలువరించింది.