న్యూఢిల్లీ, జనవరి 7: సూపర్‌స్టార్ రజనీకాంత్ కొద్దిరోజుల క్రితం రాజకీయ అరంగేట్రాన్ని ప్రకటిస్తూ యోగ ముద్రను పోలిన చేతిని చూపించటం ఫ్యాన్స్‌ను ఉక్కిరిబిక్కిరి చేసింది. ‘అప్నా ముద్ర’గా రజనీ ప్రదర్శించిన స్టయిల్ వరకూ ఓకే. కాకపోతే, ‘ఆయన ఎంపిక చేసుకున్న పార్టీ చిహ్నం తమ కంపెనీ యాంబ్లమ్‌కు చాలా దగ్గరగా ఉందన్నది సోషల్ నెట్‌వర్కింగ్ యాప్ వోక్స్‌వెబ్ వాదన.

న్యూఢిల్లీ, జనవరి 7: డబ్బులు చెల్లిస్తే ఆధార్ సమాచారం వాట్సప్ ద్వారా బయటకు వస్తుందని వార్తను ప్రచురించిన పత్రికపై చండీగఢ్‌లో కేసు నమోదైంది. ఆ వార్త రాసిన పత్రిక, పాత్రికేయుడిపై భారత విశిష్ట గుర్తింపు ప్రాధికార సంస్థ (యూఐడీఏఐ) చండీగఢ్ అధికారులు శనివారం పోలీసులకు ఫిర్యాదు చేశారు. ఆధార్ సమాచారం లీకేజీపై తప్పుడు వార్తలు ఇచ్చి ప్రజలను తప్పుదోవ పట్టించిందని ఫిర్యాదులో పేర్కొన్నారు.

పాట్నా, జనవరి 7: దాణా కుంభకోణం కేసులో ఆర్జేడీ అధినేత లాలూ ప్రసాద్ యాదవ్‌కు మూడున్నర సంవత్సరాల జైలు శిక్ష పడిన నేపథ్యంలో ఆయన జైల్లో చేం చేస్తారు అనే దానిపై ఆసక్తికరమైన కథనాలు వెలుగు చూస్తున్నాయి. ఈ మూడున్నర సంవత్సరాల జైలు శిక్ష కాలంలో బెర్సాముండా జైల్లో ఆయన తోటమాలిగా పని చేయాల్సి ఉంటుందని తెలుస్తోంది. ఈ పని చేసినందుకుగాను ఆయన రోజుకు 93 రూపాయల జీతం ఇస్తారని ప్రభాత్ కభర్ అనే పత్రిక వెల్లడించింది.

కులాయి (త్రిపుర), జనవరి 7: త్రిపుర ప్రభుత్వం అవినీతిమయంగా మారిందని, చిట్‌ఫండ్ కుంభకోణాల్లో చాలామంది మంత్రులకు ప్రత్యక్ష సంబంధాలు ఉన్నాయని అమిత్ షా ఆరోపించారు. రాష్ట్రంలో బీజేపీ అధికారంలోకి వస్తే వీరందరినీ జైలుకు పంపుతుందని హెచ్చరించారు. రానున్న అసెంబ్లీ ఎన్నికల్లో అధికార సీపీఎంను గద్దె దించాలని ఆదివారం ఇక్కడ జరిగిన ర్యాలీలో అమిత్ షా పిలుపునిచ్చారు.