సూరజ్‌కుంద్/ఆగ్రా, నవంబర్ 20: రైలు ప్రయాణాలను సురక్షితం చేసేందుకు ప్రమాదాలకు తావులేకుండా చూడాలన్న లక్ష్యంతో పనిచేయాలని ప్రధాన మంత్రి నరేంద్ర మోదీ రైల్వేలకు విజ్ఞప్తిచేశారు. ఆదివారం ఆయన ఢిల్లీ శివార్లలోని సూరజ్‌కుంద్‌లో రైల్వేల అభివృద్ధి శిబిరంలో ప్రసంగిస్తూ, ఇండోర్-పాట్నా ఎక్స్‌ప్రెస్ కాన్పూర్ వద్ద పట్టాలు తప్పి 100 మందికి పైగా ప్రాణాలు కోల్పోయిన ఘటనపై దర్యాప్తు జరుగుతుందని తెలిపారు.

చండీగఢ్, నవంబర్ 20: ‘క్లీన్ ఇండియా’ (స్వచ్ఛ భారత్), ‘డిజిటల్ ఇండియా’లాంటి వినూత్న పథకాలను విజయవంతంగా అమలు చేసినట్లయితే భారతదేశం ప్రపంచంలోనే ఆధునిక ఆర్థిక శక్తిగా తయారవుతుందని రాష్టప్రతి ప్రణబ్ ముఖర్జీ అన్నారు. భారతదేశం రెండో హరితవిప్లవం చేరువలో ఉన్నందున, ఆధునిక సాంకేతిక పరిజ్ఞానాన్ని ఉపయోగించి వ్యవసాయ ఉత్పత్తిని పెంచడాన్ని ఇజ్రాయెల్‌ను చూసి నేర్చుకోవాలని రాష్టప్రతి అన్నారు.

న్యూఢిల్లీ, నవంబర్ 20: పెద్దనోట్లను రద్దు చేయటం వల్ల తమ ఆర్థిక పరిస్థితి తీవ్రంగా దెబ్బతింటోందని వివిధ రాష్ట్రాలు కేంద్ర ఆర్థిక మంత్రి అరుణ్ జైట్లీకి విన్నవించాయి. జిఎస్‌టి పన్ను పరిధికి సంబంధించి కేంద్ర రాష్ట్రాల మధ్య నెలకొన్న ప్రతిష్ఠంభన తొలగించేందుకు వివిధ రాష్ట్రాల ఆర్థిక మంత్రులతో ఏర్పాటు చేసిన సమావేశంలో నోట్ల రద్దు ప్రధాన అంశంగా మారింది.

లక్నో, నవంబర్ 20: నగర మేయర్లు, పట్టణ ప్రాంత స్థానిక సంస్థల చైర్‌పర్సన్ల ఆర్థిక, పాలనాపరమైన అధికారాలను కుదించడానికి ఉద్దేశించిన రెండు బిల్లులకు ఆమోదం తెలపడానికి నిరాకరించిన అనంతరం ఉత్తరప్రదేశ్ ప్రభుత్వం జారీ చేసిన వివాదాస్పద ఆర్డినెన్స్‌ను ఆ రాష్ట్ర గవర్నర్ రామ్‌నాయక్ ఆదివారం రాష్టప్రతికి నివేదించారు.