చెన్నై: నిబంధనల ప్రకారమే ప్రాచీన హోదా కల్పించారని మద్రాసు హైకోర్టు సోమవారం స్పష్టం చేసింది. ప్రాచీన హోదా పొందేందుకు తెలుగుకు అన్ని అర్హతలున్నాయని న్యాయస్థానం పేర్కొంది. తెలుగు, మలయాళం, కన్నడ, ఒడియా భాషలకు ప్రాచీన హోదా కల్పించడాన్ని సవాల్‌ చేస్తూ 2009లో మద్రాసు హైకోర్టులో పిటిషన్‌ దాఖలైంది.

గాంధీనగర్, ఆగస్టు 7: గుజరాత్ కొత్త ముఖ్యమంత్రిగా విజయ్ రూపానీ, ఉప ముఖ్యమంత్రిగా నితిన్ పటేల్ ప్రమాణ స్వీకారం చేశారు. ఆదివారం ఇక్కడ అట్టహాసంగా జరిగిన కార్యక్రమంలో రాష్ట్ర గవర్నర్ ఒపి కోహ్లీ వీరిచేత పదవీ స్వీకార ప్రమాణం చేయించారు. వీరితోపాటుగా ఏడుగురు క్యాబినెట్ మంత్రులు, 16 మంది సహాయ మంత్రులు కూడా ప్రమాణ స్వీకారం చేశారు.

న్యూఢిల్లీ, ఆగస్టు 7: ఏడవ వేతన సంఘం సిఫార్సులను అమలు చేసిన తర్వాత రిటైరయిన కేంద్ర ప్రభుత్వ ఉద్యోగులకు కనీస పింఛను 9 వేల రూపాయలు లభిస్తుంది. ఈ పింఛను ఇప్పుడు 3,500 రూపాయలుగా ఉంది. అంటే 157 శాతానికి పైగా పెరుగుతుంది. పెన్షనర్లకు సంబంధించి వేతన సంఘం చేసిన సిఫార్సులను ఆమోదించినట్లు కేంద్ర సిబ్బంది వ్యవహారాలు, ఫిర్యాదులు, పింఛను వ్యవహారాల మంత్రిత్వ శాఖ నోటిఫై చేసింది.

న్యూఢిల్లీ, ఆగష్టు 7: సామాన్యుల సమస్యలు, జాతివివక్షపై యువ కవులు రాసిన కవితలను ఢిల్లీలోని ఆంధ్రభవన్‌లో ఆధునిక తెలుగు కవిత్వ సదస్సులో వినిపించారు. తెలుగు రాష్ట్రాలకు చెందిన కె.శివారెడ్డి, ఎన్.వేణుగోపాల్, విమల మార్తల, అరుణ గోగుల మండ, అరణ్య కృష్ణ, పలమనేర్ బాలాజీ, కే.కే.కే.వర్మలలోసహా యువకవులు ఈ కార్యక్రమంలో పాల్గొన్నారు.