న్యూఢిల్లీ, ఆగస్టు 8: ఆంధ్రకు ప్రత్యేక ప్యాకేజీ త్వరలోనే ప్రకటిస్తామని కేంద్ర ఆర్థిక మంత్రి అరుణ్ జైట్లీ లోక్‌సభలో ప్రకటించారు. అరుణ్ జైట్లీ సోమవారం లోక్‌సభ జీరో అవర్‌లో వైకాపా సభ్యులు సహా ఇతర ప్రతిపక్ష పార్టీల నేతలు చేసిన ఏపీ ప్రత్యేక హోదా డిమాండ్లకు బదులిచ్చారు. ఏపీకి అందించాల్సిన సాయంపై సిఎంతో జరుపుతున్న చర్చలు కీలక దశకు చేరుకున్నాయన్నారు.

న్యూఢిల్లీ, ఆగస్టు 8: పన్నుల సంస్కరణల భారత దేశం చారిత్రక శకంలోకి అడుగు పెట్టింది. ఎన్డీయే సర్కార్ అత్యంత ప్రతిష్ఠాత్మకంగా చేపట్టిన జిఎస్‌టి బిల్లుకు పార్లమెంట్ ఆమోదం లభించింది. ఇటీవల రాజ్యసభ కొన్ని సవరణలతో చేపట్టిన వస్తు,సేవల పన్ను (జిఎస్‌టి) 122 రాజ్యాంగ సవరణ బిల్లును సుదీర్ఘ చర్చ అనంతరం సోమవారం లోక్‌సభ ఆమోదించింది. దీనితో పార్లమెంట్ ఆమోద ప్రక్రియ పూర్తయింది.

న్యూఢిల్లీ, ఆగస్టు 8: ఖైదీల విడుదల విషయంలో నిబంధనలకు విరుద్ధంగా తెలుగు రాష్ట్రాల ప్రభుత్వాలు వ్యవహరిస్తే న్యాయస్థానాలను ఆశ్రయించవచ్చని సుప్రీంకోర్టు స్పష్టం చేసింది. ఉమ్మడి ఆంధ్రప్రదేశ్‌లో 2007లో ఖైదీలను విడుదల చేసేందుకు ప్రభుత్వం జారీ చేసిన జీవోలను సవాల్ చేస్తూ దాఖలైన పిటిషన్‌పై సుప్రీంకోర్టు విచారణ పూర్తిచేసింది. ప్రస్తుతం ఆ జీవోలు కాలం చెల్లినవిగా ధర్మాసనం అభిప్రాయపడింది.

న్యూఢిల్లీ, ఆగస్టు 8: వైద్య విద్యకు సంబందించి నేషనల్ ఎలిజిబిలిటీ కమ్ ఎంట్రెన్స్ ఎగ్జామ్(నీట్)కు రాష్టప్రతి ఆమోద ముద్ర వేశారు. ఎంబిబిఎస్, డెంటల్ కోర్సుల్లో ప్రవేశానికి దేశ వ్యాప్తంగా నీట్ పరీక్షను ప్రవేశపెట్టారు. దీనికి సంబంధించిన రెండు బిల్లులకు ఇటీవలే పార్లమెంటు ఆమోదించింది.