కోల్‌కతా: పశ్చిమబెంగాల్ కోల్‌కతా మెడికల్ కళాశాల అండ్ ఆసుపత్రిలోని ఫార్మసీ విభాగంలో భారీ అగ్నిప్రమాదం సంభవించింది. ఈ ప్రమాదంలో ఎలాంటి ఆస్తి నష్టం సంభవించలేదు. ప్రమాదంలో చిక్కుకున్న 250 మంది రోగులను సురక్షితంగా బయటకు తీసుకువచ్చారు.

న్యూఢిల్లీ: భారత సుప్రీం కోర్టు ప్రధాన న్యాయమూర్తిగా జస్టిస్ రంజన్ గొగొయ్ బుధవారంనాడు బాధ్యతలు స్వీకరించారు. జస్టిస్ గొగొయ్ అసోంలో 1954లో జన్మించారు. 1978లో బార్‌లో చేరారు. పలు హైకోర్టులకు జడ్జిగా పనిచేసిన ఆయన సుప్రీం కోర్టు న్యాయమూర్తిగా 2012లో పదోన్నతి పొందారు. జస్టిస్ గొగొయ్ చేత రాష్టప్రతి రామ్‌నాథ్ కోవింద్ ప్రమాణస్వీకారం చేయించారు.

న్యూఢిల్లీ, అక్టోబర్ 2: ఐటి రంగంలో ఉద్యోగాల కల్పన పేరుతో తెలుగుదేశం ప్రభుత్వం బూటకపు కంపెనీలకు భూకేటాయింపులు జరిపి పెద్ద ఎత్తున అవినీతికి పాల్పడిందని బీ.జే.పీ రాజ్యసభ సభ్యుడు,ఆ పార్టీ జాతీయ అధికార ప్రతినిధి జీవీఎల్ నరసింహారావు ఆరోపించారు. మంగళవారం జీవీఎల్ నరసింహారావు బీ.జే.పీ కార్యలయంలో తెలుగుదేశం ప్రభుత్వంపై మరోసారి అవినీతి ఆరోపణలు చేశారు.

న్యూఢిల్లీ, అక్టోబర్ 2: పరిసరాల పరిశుభ్రత, వ్యక్తిగత మరుగుదొడ్ల నిర్మాణం తదితర అంశాల్లో మెరుగైన ఫలితాలు సాధించిన తెలంగాణ రాష్ట్రం దక్షిణాదిలో రెండవ స్థానంలో నిలిచి నాలుగు స్వచ్ఛ సర్వేక్షణ్ గ్రామీణ్ పురస్కారాలను కైవసం చేసుకుంది. కేంద్ర తాగునీరు, పారిశుద్ధ్య మంత్రిత్వాశాఖ నేతృత్వంలో మంగళవారం సర్వేక్షణ్ గ్రామీణ్ అవార్డుల ప్రదానోత్సవం జరిగింది. ఈ అవార్డులను కేంద్ర మంత్రి ఉమా భారతి అందజేశారు.