చిత్రం..కొల్‌కతా మెడికల్ కాలేజీ, హాస్పిటల్‌లో బుధవారం చెలరేగిన మంటల కారణంగా దట్టంగా అలుముకున్న పొగ.
ఈ ప్రమాదం జరిగిన వెంటనే ఆస్పత్రి సిబ్బంది అప్రమత్తమై రోగులను భవనం నుంచి బయటకు తరలించారు.
(ఇన్‌సెట్లో)
ప్రత్యామ్నాయ ఏర్పాట్లు పూర్తి కాకపోవడంతో ఆవరణలోనే వేచి ఉన్న రోగులు.

ముంబై, అక్టోబర్ 3: హాస్య చిత్రాలతో నటుడు వరుణ్‌శర్మ బాలీవుడ్‌లో తనకంటూ ఓ ప్రత్యేకతను సంపాదించుకున్నాడు. అలాంటి నటుడు ‘ఫ్రైడే’లో గోవిందతో నటించేటప్పుడు మాత్రం ఎంతో భయపడ్డానని చెప్పుకొచ్చాడు. ‘గోవిందతో నటించడం ఓ సవాల్ వంటిది. ఆయనతో సినిమా చేసినట్లు నా పిల్లలకు చెప్పుకోవడానికి వీలుంటుంది’ అన్నారు వరుణ్‌శర్మ. ముందుగా అతడితో కామెడీ చేయడమంటేనే భయమేసింది.

న్యూఢిల్లీ, అక్టోబర్ 3: రాష్ట్ర ప్రభుత్వాలు నిరంతరం గిరిజనులకు అటవీ భూములు కేటాయిస్తూనే వున్నాయని, ఈ విషయంలో అటవీ హక్కుల చట్టాన్ని అతిక్రమించిన కేసులేవీ తమ దృష్టికి రాలేదని కేంద్ర గిరిజన వ్యవహారాల మంత్రిత్వ శాఖ బుధవారం స్పష్టం చేసింది. ఈ విషయంలో అలసత్వం, అవినీతి చోటుచేసుకుంటోందన్న ఆరోపణలను ఆ శాఖకు చెందిన ఉన్నతాధికారులు తోసిపుచ్చారు.

తిరువనంతపురం, అక్టోబర్ 3: శబరిమల ఆలయంలో అన్ని వయసుల మహిళలకు ప్రవేశం కల్పిస్తూ సుప్రీంకోర్టు ఇచ్చిన తీర్పును సవాలు చేస్తూ పిటిషన్ దాఖలు చేయాలనే యోచనేదీ లేదని కేరళ ప్రభుత్వం స్పష్టం చేసింది. శబరిమలలోని స్వామి అయ్యప్ప ఆలయాన్ని పర్యవేక్షించే ట్రావెన్‌కోర్ దేవస్థానం బోర్డు కూడా ఈ విషయమై ఎటువంటి నిర్ణయం తీసుకోలేదు. ఈ వివరాలను కేరళ ముఖ్యమంత్రి పి విజయన్ విలేఖర్లకు తె లిపారు.