చెన్నై: తమిళనాడును భారీ వర్షాలు ముంచెత్తాయి. దీంతో అధికారులు అప్రమత్తమై కాంచీపురం, తిరువళ్లూరు, చెన్నైలలో విద్యాసంస్థలకు సెలవు ప్రకటించారు. 7వ తేదీన అత్యంత భారీ వర్షాలు కురుస్తాయని వాతావరణ శాఖ అధికారులు చేసిన హెచ్చరికతో అధికారులు ముందు జాగ్రత్తలు తీసుకుంటున్నారు.

న్యూఢిల్లీ, అక్టోబర్ 4: త్వరలో జరగబోయే అసెంబ్లీ ఎన్నికలను దృష్టిలో ఉంచుకుని ఆయా రాష్ట్రాలలో శాంతిభద్రతల పర్యవేక్షణ, ఎన్నికల విధి నిర్వహణ నిమిత్తం మూడు రాష్ట్రాలకు 25వేల మంది పారామిలటరీ, పోలీసు దళాలను పంపించాలని కేంద్ర ప్రభుత్వం ఆదేశాలు జారీ చేసింది. ఇప్పటికే ఆయా రాష్ట్రాలలో పనిచేస్తున్న రాష్ట్ర పోలీస్‌లకు వీరు అదనం.

తిరువనంతపురం, అక్టోబర్ 4: శబరిమల ఆలయంలో అన్ని వయసుల మహిళల ప్రవేశానికి వీలు కల్పిస్తూ సుప్రీంకోర్టు జారీ చేసిన ఆదేశాలు రాజకీయంగా వివాదంగా మారాయి. సుప్రీంకోర్టు తీర్పును సవాలు చేస్తూ రివ్యూ పిటిషన్ దాఖలు చేయాలని కాంగ్రెస్, బీజేపీ పార్టీలు డిమాండ్ చేస్తుండగా, సీపీఎం మాత్రం రివ్యూ పిటిషన్‌కు ససేమిరా అంటోంది.

న్యూఢిల్లీ, అక్టోబర్ 4: లైంగిక వేధింపులకు గురైన బాలబాలికలు ముఫ్పై ఏళ్ల వయసు వచ్చే వరకు వారికి జరిగిన అన్యాయాన్ని పోలీసులకు ఫిర్యాదు చేసేందుకు అనుమతించేలా కృషి చేస్తున్నామని కేంద్ర మహిళా శిశు సంక్షేమ, అభివృద్ధి శాఖ మంత్రి మేనకాగాంధీ తెలిపారు. ఇందుకు సంబంధిచిన ప్రతిపాదన తమ పరిశీలనలో ఉందని ఆమె తెలిపారు.