దర్శకేంద్రుడి క్లాస్రూమ్
Published Saturday, 11 June 2016కె.రాఘవేంద్రరావు దర్శకుడుగా ఉన్నాడు అంటే ఆ చిత్రం హిట్ అయినట్లే. ప్రేక్షకులు బ్రహ్మరథం పట్టినట్లే. ఆయన కెరీర్లో అనేక హిట్స్ ఉన్నాయి. రాఘవేంద్రరావు మార్క్ అనేది ప్రతీ చిత్రంలో ఆయన చూపారు. అందుకే ఆయనను అభిమానులు దర్శకేంద్రుడు అని పిలుచుకుంటారు. దాదాపు 100 సినిమాలకుపైగా రూపొందించిన ఆయన తాజాగా సినీపాఠాలను చెప్పడానికి సిద్ధమయ్యారు. కమర్షియల్ చిత్రాలతోపాటు క్లాసికల్ చిత్రాలను రూపొందించిన ఆయన, తన 50 ఏళ్ళ సినీ అనుభవాలను పాఠాలుగా చెప్పనున్నారు. పాటల చిత్రీకరణలో తన మార్క్ ఎలా వుంటుందో, అదేవిధంగా ఈ పాఠాలు బోధించడంలో కూడా ఆయన కొత్త పంథాను ఎన్నుకున్నారు.