S ,7 à 8 RSCA (si SASPAS) et 6 cialis pharmacie cialis rapports de stage.
సంపాదకీయం
పాఠశాలల సమీపంలోని రహదారుల మీద పరుగులు తీసే వాహనాలు ‘కూతలు’ వేయరాదన్నది ఆదర్శం! ఈ ఆదర్శం ఇన్ని దశాబ్దులుగా ఆచరణకు రాలేదన్నది ఇప్పుడు బయటపడిన వాస్తవం. తెలంగాణ ప్రాంతంలోను ప్రధానంగా రాజధాని భాగ్యనగరంలోను బడులలోని బుడుతలు ఇన్నాళ్లుగా ఈ వాహన యంత్రాల ‘కారు’కూతలను వింటూనే ఉన్నారన్నది హైదరాబాద్ ఉన్నత న్యాయస్థానం వారి దృష్టిని ఆకర్షించిన వైపరీత్యం.
ఐక్య జనతాదళ్‌కు చెందిన హరివంశ నారాయణ్ సింగ్ రాజ్యసభ ఉపాధ్యక్షుడుగా ఎన్నిక కావడం గురువారం నాడు భారతీయ జనతాపార్టీకి లభించిన వ్యూహాత్మక విజయం. ఉపాధ్యక్ష పదవికి తమ పక్షానికి చెందినవారిని కాక, మిత్రపక్షానికి చెందిన హరివంశ్‌ను అభ్యర్థిగా ఎంపిక చేయడం భాజపా అధిష్ఠానం అమలు జరిపిన ‘వ్యూహం’! ఐక్య జనతాదళ్ భాజపాకు రెండు దశాబ్దులుగా మిత్రపక్షం.
సర్వోన్నత న్యాయస్థానం మరోసారి చీవాట్లు పెట్టింది, బిహార్ ప్రభుత్వాన్ని అభిశంసించింది. బిహార్‌లో జరిగిన లైంగిక బీభత్సం ‘ప్రతీక’ మాత్రమే. దేశంలోని అన్ని ప్రాంతాలలోను యువతులపై, బాలికలపై, ఆడ శిశువులపై నిరంతరం పైశాచిక లైంగిక అత్యాచారాలు జరిగిపోతుండడం ఏళ్లతరబడి కొనసాగుతున్న బీభత్స చరిత్ర.
తెలంగాణ ప్రాంతం ‘ప్రతీక’ మాత్రమే. మంచినీటి కాలుష్యం గురించి హైదరాబాద్ ఉన్నత న్యాయస్థానం వారు సోమవారం ఆవిష్కరించిన వాస్తవాలు తెలుగు ప్రాంతాలకు, దేశంలోని ఇతర ప్రాంతాలకు సమానంగా వర్తిస్తున్నాయి. ‘ఖనిజధాతు జలం’- మినరల్ వాటర్- పేరుతో జనం నోళ్లలోకి, కడుపులలోకి ప్రవహిస్తున్న నీరు కలుషితమై ఉందన్నది బహిరంగ రహస్యం.
ఆంధ్రప్రదేశ్‌లోని అనేక జిల్లాలలో వర్షాభావ స్థితి నెలకొని ఉందన్నది వర్ష ఋతువు నడికొంటున్న సమయంలో జరుగుతున్న ప్రచారం. కార్తిక మాసంలో కోతకు వచ్చే- కార్తికం కారు- ఖరీఫ్- పంటలు పూర్తిగా సాగుకాలేదు. దేశంలో అన్ని ప్రాంతాల్లోను నైరృతి ఋతు పవనం - సౌత్ వెస్ట్ మాన్‌సూన్- నిర్ణీత సమయం కంటె చాలా ముందుగానే ప్రారంభం కావడం కర్షకులకు హర్షం కలిగించిన పరిణామం.
అరచి ఆర్భాటం చేసినట్టయితే అబద్ధాలు నిజాలైపోతాయని, నిజాలు అబద్ధాలుగా మారిపోతాయని విశ్వసించడం అవకాశవాదపు రాజకీయంలో భాగం. ప్రతిపక్షాలకు అవకాశం వచ్చింది, అందువల్ల అరుపులు పెడబొబ్బలు ఆకాశాన్ని అంటుతున్నాయి, విద్రోహపు మంటలను దేశమంతటా అంటించడానికి ప్రయత్నిస్తున్నాయి.
పశ్చిమ బెంగాల్ ముఖ్యమంత్రి, తృణమూల్ కాంగ్రెస్ అధినేత్రి మమతా బెనర్జీ ప్రతిపక్షాల ‘సమైక్య సంఘర్షణ’కు కేంద్ర బిందువు కావడం నడుస్తున్న రాజకీయం. భాజపాకు వ్యతిరేకంగా ‘ఏర్పాటు కావలసి ఉన్న’ ప్రతిపక్షాల కూటమికి తానే నాయకురాలినన్న భావాన్ని లేదా భ్రాంతిని దేశవ్యాప్తంగా కల్పించడానికి మమత గత కొన్ని నెలలుగా నిర్విరామ కృషి చేస్తుండడం పెద్దగా ప్రచారానికి నోచుకోవడం లేదు.
దేశంలో నెలకొని ఉన్న ‘ప్రత్యేక ఆర్థిక మండలాల’లో అనేకం పాడుపడి ఉన్నాయట! ఆర్థిక మండలాల ప్రాంగణాలలో చొరబడి వేల ఎకరాల భూమిని కారుచౌకగా కాజేసిన ‘బహుళ జాతీయ వాణిజ్య సంస్థలు’ ప్రధానంగా విదేశాలకు చెందిన ‘దోపిడీ ముఠాలు’, దళారీ బృందాలు ఈ భూమిని నిర్దిష్ట పారిశ్రామిక కలాపాలకు కాక ఇతర అక్రమ వాణిజ్య కలాపాలకు ఉపయోగిస్తుండడం కూడ బహిరంగ రహస్యం.
అస్సాం ప్రాంతానికి సంబంధించిన ‘దేశ పౌరుల జాతీయ సూచిక’- నేషనల్ రిజిస్టర్ ఆఫ్ సిటిజన్స్- ముసాయిదా గురించి పార్లమెంటు లోపల, వెలుపల కొంతమంది భయాందోళనలను వ్యక్తం చేస్తుండడం విచిత్రమైన వ్యవహారం. ఈ ముసాయిదా సూచిక ప్రకారం అసోం- అస్సాం-లో దాదాపు నలబయి లక్షల మందికి భారతీయ పౌరసత్వం లభించలేదన్నది ఆందోళనను అభినయిస్తున్న వారి ఆర్భాటం..
భాగ్యనగరంలోని ఉన్నత పాఠశాలల విద్యార్థులలో అనేక మందికి తగినంత భాషా పరిజ్ఞానం లేదన్నది ప్రభుత్వం వారు కొత్తగా కనిపెట్టిన వాస్తవం. దేశమంతటా అన్నిస్థాయిల విద్యార్థులలోను అత్యధికులకు భాషా పరిజ్ఞానం లేదన్నది పాతపడిపోయిన వాస్తవం, అందరికీ తెలిసిన రహస్యం.