గద్వాల, జనవరి 13: తెలంగాణ ఉద్యమంలో పాల్గొన్న ఉద్యమకారులను, ఉద్యోగ, కర్షకులను, కులవృత్తులందరినీ విస్మరించి తెలంగాణ ద్రోహులను పార్టీలో చేర్చుకోవడం వల్ల తెలంగాణ కోసం బలిదానాలు చేసుకున్న వారి ఆత్మలు ఘోషిస్తున్నాయని బీజేపీ రాష్ట్ర అధ్యక్షుడు డాక్టర్ కె.లక్ష్మణ్ విమర్శించారు. పార్టీ విస్తరణలో భాగంగా రెండు రోజుల పర్యటన జోగుళాంబ గద్వాల జిల్లాలో నిర్వహించారు.

మహబూబ్‌నగర్, జనవరి 13: పాలమూరు జిల్లా కు వరప్రదాయినిగా భావించే ప్రియదర్శిని జూరాల ప్రాజెక్టులో రోజురోజుకు నీటిమట్టం పడిపోతోంది. నెల రోజుల వ్యవధిలోనే దాదాపు రెండు నుండి మూడు టీఎంసీల నీటిమట్టం పడిపోవడంతో ఆయకట్టు రైతుల్లో ఆందోళన మొదలైంది. యాసంగి (రబీ) పంటలు ఈ దఫా పెద్దఎత్తున సాగు చేసిన సందర్భంలో జనవరి మాసంలోనే నీటిమట్టం తగ్గుముఖం పడుతుండటం కూడా రైతుల్లో కలవరం మొదలైంది.

హైదరాబాద్, జనవరి 13: తెలంగాణ వ్యాప్తంగా విదేశాలకు ఉపాధి కోసం పంపించే ఏజెంట్లంతా నెల రోజుల్లోగా ఈ-మైగ్రేట్‌లో నమోదు చేసుకోవాలని ఐటీ సమాచార శాఖ మంత్రి కేటీఆర్, హోంమంత్రి నాయిని నర్సింహారెడ్డి చెప్పారు. ఈ నిబంధనలను ఖాతరు చేయని వారిపై కఠిన చర్యలు తీసుకుంటామని హెచ్చరించారు.

హైదరాబాద్, జనవరి 13: దివంగత మాజీ గవర్నర్ డాక్టర్ మర్రి చెన్నారెడ్డి తెలంగాణ ఉద్యమానికి నాంది పలికారని పాండిచ్చేరి ముఖ్యమంత్రి నారాయణ స్వామి అన్నారు. శనివారం డాక్టర్ చెన్నారెడ్డి జయంతి సందర్భంగా నిర్వహించిన సభకు ముఖ్యమంత్రి నారాయణ స్వామి ముఖ్యఅతిథిగా హాజరయ్యారు. ఈ సందర్భంగా ఆయన ప్రసంగిస్తూ తన రాజకీయ జీవితానికి చెన్నారెడ్డి మంచి సలహాలు ఇచ్చారని, వాటిని ఇప్పటికీ పాటిస్తుంటానని చెప్పారు.