హైదరాబాద్: నాగోల్‌ బండ్లగూడలో రాజీవ్‌ స్వగృహ ప్లాట్లను, బండ్లగూడ, పోచారంలో ఉన్న 5వేల ప్లాట్లను విక్రయించాలని గృహ నిర్మాణ శాఖ నిర్ణయం తీసుకుందని మంత్రి ఇంద్రకరణ్‌రెడ్డి చెప్పారు. ఆ పాట్ల బహిరంగ వేలం ఆగస్టు 7 నుంచి 17 వరకు ఉంటుందని తెలిపారు. నాగోల్‌ బండ్లగూడలో రాజీవ్‌ స్వగృహ ప్లాట్లను మంత్రి పరిశీలించారు.

హైదరాబాద్: జీవో 123పై తీర్పును హైకోర్టు హైకోర్టు డివిజన్ బెంచ్‌ సోమవారానికి వాయిదా వేసింది. జీవో 123ను హైకోర్టు రద్దు చేసిన నేపథ్యంలో తెలంగాణ ప్రభుత్వం హైకోర్టు డివిజన్ బెంచ్‌ను ఆశ్రయించింది. షెడ్యూల్‌ 2 ప్రకారం రైతులు, రైతు కూలీలకు న్యాయం చేస్తామని హైకోర్టుకు ప్రభుత్వ తరపు న్యాయవాది తెలిపారు. జీవోపై విధివిధానాలు రూపొందించుకుని రావాలని ప్రభుత్వానికి కోర్టు సూచించింది.

హైదరాబాద్ : తమ డిమాండ్లను పరిష్కరించాలని కోరుతూ తెలంగాణ స్టడీ సర్కిల్‌లో శుక్రవారం కూడా విద్యార్థుల దీక్షలు కొనసాగాయి. నాలుగురోజులుగా ఆందోళన చేస్తున్న విద్యార్థులను గురువారం అరెస్టు చేసినప్పటికీ దీక్షలను కొనసాగిస్తున్నారు. స్టడీ సర్కిల్ ఆవరణలో షామియానాలు వేసేందుకు అనుమతి లేదని పోలీసులు చెప్పడంతో విద్యార్థులు ఎండలోనే దీక్షలు చేపట్టారు.

హైదరాబాద్: భూసేకరణకు సంబంధించి ఇచ్చిన 123 జీవోను హైకోర్టులోని సింగిల్ జడ్డి కొట్టివేయడంతో డివిజన్ బెంచ్‌కు అప్పీలు చేయాలని తెలంగాణ సర్కారు నిర్ణయించింది. ఈ మేరకు ప్రభుత్వ అడ్వకేట్ జనరల్ దాఖలు చేసిన అప్పీలును డివిజన్ బెంచ్ ఈరోజు విచారణకు స్వీకరించింది.