హైదరాబాద్: ఇంటర్ పరీక్షల్లో లోపాలను నిరసిస్తు, విద్యార్థులకు న్యాయం చేయాలని కోరుతూ బీజేపీ ఇచ్చిన తెలంగాణ బంద్ పాక్షికంగా జరిగింది. బీజేపీ నేతలను ఉదయమే హౌజ్ అరెస్టు చేశారు. ఉమ్మడి మహాబూబ్‌నగర్ జిల్లాలోని నారాయణపేట, నాగర్‌కర్నూల్‌ల్లో బస్సులను ఆందోళనకారులు నిలిపివేశారు. అలాగే పలుచోట్ల డిపోల ఎదుట పార్టీ కార్యకర్తలు బైఠాయించి బస్సుల రాకపోకలను అడ్డుకున్నారు.

హైదరాబాద్, మే 1: గ్లోబరీనా ఒప్పందంతో కేటీఆర్‌కు సంబంధం ఉందని ఆరోపించిన కాంగ్రెస్ నాయకుడు రేవంత్‌రెడ్డి 24 గంటలలో క్షమాపణ చెప్పకపోతే పరిణామాలు తీవ్రంగా ఉంటాయని టీఆర్‌ఎస్ ఎమ్మెల్యే బాల్క సుమన్ హెచ్చరించారు. గ్లోబరీనాకు ఐటీ శాఖకు సంబంధం ఏమిటని నిలదీశారు. ఆ ఒప్పందం జరిగినప్పుడు విద్యాశాఖ మంత్రిగా కడియం శ్రీహరి ఉన్నారని సుమన్ గుర్తు చేశారు. ఈ అంశం పూర్తిగా విద్యాశాఖకు సంబంధించిన విషయమన్నారు.

చిత్రం... అవంతినగరంలోని సుభాషణ్‌రెడ్డి నివాస గృహానికి వెళ్లి భౌతికకాయంపై పుష్పగుచ్ఛం ఉంచి నివాళులర్పిస్తున్న సీఎం కేసీఆర్, మంత్రులు

హైదరాబాద్, మే 1: ఇంటర్ పరీక్షల నిర్వహణలో ప్రభుత్వ వైఫల్యాన్ని నిరసిస్తూ బీజేపీ ఈ నెల 2వ తేదీన గురువారం తలపెట్టిన తెలంగాణ బంద్‌కు ప్రజలు మద్దతు తెలియచేయాలని, 24 మంది విద్యార్థుల ఆత్మహత్యలకు కారణమైన అధికారులపై చర్యలు తీసుకోవాలని బీజేపీ రాష్ట్ర అధ్యక్షుడు లక్ష్మణ్ అన్నారు. కోట్లాడి సాధించుకున్న తెలంగాణ సమర్థ పాలకుల నేత చిక్కడంతో విద్యార్థుల భవిష్యత్తు అంధకారంగా మారిందన్నారు.