హైదరాబాద్, జనవరి 11: ఆసియా ఖండంలోనే అతిపెద్ద జాతరగా పేరొందిన సమ్మక్క సారలమ్మ జాతరకు ప్రభుత్వం అధిక చార్జీలు వసూలుచేయాలనుకోవడం హిందూ భక్తులను ఇబ్బందులకు గురిచేయడమేనని విశ్వ హిందూ పరిషత్ రాష్ట్ర కార్యదర్శి బండారి రమేష్ దపేర్కొన్నారు. హాజ్ యాత్రకు వెళ్తామన్నవారికి అనేక రాయితీలు కల్పిస్తున్న ప్రభుత్వాలు హిందువులు తమ యాత్రలకు వెళ్తామనేసరికి చార్జీలను పెంచడమేమిటని ప్రశ్నించారు.

హైదరాబాద్, జనవరి 11: జనమంతా తమవైపే ఉన్నారని, మున్సిపల్ ఎన్నికల్లో గులాబీ దండును మట్టి కరిపిస్తామని, కాంగ్రెస్ శ్రేణులు ప్రజలందర్నీ కలుపుకుని వెళ్లాలని పీసీసీ అధ్యక్షుడు ఎన్ ఉత్తమ్‌కుమార్ రెడ్డి పిలుపునిచ్చారు. శనివారం ఆయన ఇక్కడ గాంధీభవన్ నుంచి రాష్ట్రంలోని మున్సిపాలిటీల్లోని పార్టీ నేతలతో ఫేస్‌బుక్ ద్వారా మాట్లాడారు.

హైదరాబాద్: సీఎం జగన్మోహన్‌రెడ్డి అక్రమాస్తుల కేసు విచారణ ఈనెల 17కి వాయిదా పడింది. డిశ్చార్జి పిటిషన్లన్నీ కలిపి విచారణ జరపాలన్న జగన్ పిటిషన్‌పై వాదనలు పూర్తయ్యాయి. నిర్ణయాన్ని సీఐడీ, ఈడీ కోర్టు ఈనెల 17కి వాయిదా వేసింది. ఈ కేసులో నిందితులుగా ఉన్న విజయ సాయిరెడ్డి, ధర్మాన ప్రసాదరావు, ఐఏఎస్ శ్రీలక్ష్మీ, శామ్యూల్ తదితరులు విచారణకు హాజరయ్యారు.

హైదరాబాద్: ఎన్‌ఆర్‌సీ (జాతీయ పౌర పట్టిక), సీఏఏ (పౌర సవరణ చట్టం)కు వ్యతిరేకంగా ముస్లింలు భారీ ర్యాలీ నిర్వహించారు. మీరాలం ఈద్గాలో ప్రార్థనల అనంతరం ముస్లింలు పెద్ద ఎత్తున ప్రదర్శనలో పాల్గొన్నారు. దాదాపు 40 వేల మందితో ఈ ప్రదర్శన నిర్వహించినట్లు అంచనా. ఇదిలా ఉండగా ప్రదర్శన అనంతరం బహిరంగ సభ నిర్వహించారు. ఈ సభలో ఎంఐఎం అధినేత అసదుద్దీన్ ఓవైసీ తదితరులు ప్రసంగించనున్నారు.