భైంసా రూరల్: నిర్మల్ జిల్లా భైంసా పట్టణంలో ఆదివారం రాత్రి జరిగిన సంఘటనను దృష్టిలో పెట్టుకుని పోలీసు శాఖ ఆధ్వర్యంలో సాయంత్రం 7 గంటల నుండి ఉదయం 7 గంటల వరకు కర్ఫ్యూ విధించినట్లు ఒక ప్రకటనలో తెలిపారు. ఉదయం నుండి సాయంత్రం వరకు కర్ఫ్యూను సడలించామని వెల్లడించారు. ప్రజలు సహితం ఒక్క దగ్గర గుంపులు గుంపులుగా నిలబడవద్దని సూచించారు. శాంతిభద్రతలకు విఘాతం కలిగించే వారిపై కఠిన చర్యలు తీసుకుంటామని తెలిపారు.

భైంసా రూరల్: తెలంగాణ రాష్ట్రంలో హిందువులకు రక్షణ లేకుండా పోయిందని ఆదిలాబాద్ ఎంపీ సోయం బాపురావు, ఎమ్మెల్సీ రాంచందర్‌రావు అన్నారు. నిర్మల్ జిల్లా భైంసా పట్టణంలో ఆదివారం రాత్రి విధ్వంస ఘటన చోటుచేసుకున్న నేపథ్యంలో బాధితులను పరామర్శించేందుకు భైంసాకు వచ్చిన వీరిని పోలీసులు అదుపులోకి తీసుకొని ఐజీ ముందు ప్రవేశపెట్టారు.

సికిందరాబాద్, జనవరి 12: పండుగ జరుపుకోవడం కోసం పల్లెలకు వెళ్లే ప్రయాణికులతో సికిందరాబాద్ రైల్వే స్టేషన్, జూబ్లీ బస్ స్టాండ్లు కిక్కిరిసిపోయాయి. సోమవారం నుంచి తెలంగాణలోని అనేక విద్యాసంస్థలు సంక్రాంతి సెలవులు ప్రకటించడంతో తమతమ సొంత గ్రామాల్లో సంక్రాంతి సంబరాలు జరుపుకోవడం కోసం పిల్లాపాపలతో సకుటుంబ సపరివారంతో శనివారం ఉదయం నుంచే రైల్వే స్టేషన్‌లకు, బస్టాండ్‌కు చేరుకున్నారు.

హైదరాబాద్: మున్సిపల్ ఎన్నికల నామినేషన్ల పర్వంలో తాజా సమాచారం ప్రకారం టీఆర్‌ఎస్ అభ్యర్థులు అత్యధికంగా నామినేషన్లు దాఖలు చేశారు. కరీంనగర్ మినహా మిగతా తొమ్మిది మున్సిపల్ కార్పొరేషన్లు, 120 మున్సిపాలిటీల్లో 3052 వార్డులు ఉండగా 25,768 నామినేషన్లు దాఖలైనట్టు రాష్ట్ర ఎన్నికల కమిషన్ ఆదివారం ఇక్కడ ప్రకటించింది. వీటిలో 432 నామినేషన్లను తిరస్కరించగా, 25,336 నామినేషన్లు సక్రమంగా ఉన్నట్టు వెల్లడించారు.