హైదరాబాద్, జనవరి 9: మున్సిపల్ ఎన్నికల్లో పార్టీ అభ్యర్థి పట్ల ఎవరైనా అసంతృప్తిగా ఉంటే వారిని బుజ్జగించాల్సిన బాధ్యత ఎమ్మెల్యేలదేనని తెలంగాణ రాష్ట్ర సమితి అధినేత, ముఖ్యమంత్రి కల్వకుంట్ల చంద్రశేఖర్‌రావు స్పష్టం చేశారు. మున్సిపల్ ఎన్నికల్లో పోటీ చేసే అవకాశం లభించని వారికి నామినేటెడ్ పోస్టుల్లో అవకాశం కల్పిస్తామని తన మాటగా హామీ ఇవ్వండని కూడా అధినేత కేసీఆర్ సూచించారు.

వరంగల్, జనవరి 8: సీఏఏను వ్యతిరేకించే వారిని బ్రేకులు లేని బస్సులో పాకిస్తాన్‌కు పంపిస్తామని కరీంనగర్ ఎంపీ బండి సంజయ్ అన్నారు. పౌరసత్వ సవరణ చట్టం-2019కు మద్దతుగా బుధవారం వరంగల్ నగరంలో బీజేపి ఆధ్వర్యంలో జరిగిన భారీ ర్యాలీలో ఆయన మాట్లాడారు. పచ్చ జెండాలతో ర్యాలీ తీసి ఓరుగల్లు గడ్డను అపవిత్రం చేసినందునే మళ్లీ ఈ గడ్డను పవిత్రం చేయడానికి ఈరోజు ఓరుగల్లులో కాషాయ ర్యాలీ నిర్వహించామన్నారు.

మునగాల, జనవరి 8: రాష్ట్రంలోని ప్రతి పల్లెను అభివృద్ధి చేయడమే తమ అధినేత, సీఎం కేసీఆర్ ధ్యేయమని రాష్ట్ర పంచాయతీరాజ్ శాఖ మంత్రి ఎర్రబెల్లి దయాకర్‌రావు అన్నారు. సూర్యాపేట జిల్లా మునగాల మండలంలో జరుగుతున్న రెండో విడత పల్లె ప్రగతి కార్యక్రమాన్ని ఆయన బుధవారం మండల కేంద్రంతో పాటు మండల పరిధిలోని ఆయా గ్రామాల్లో జరుగుతున్న కార్యక్రమాలను స్థానిక ఎమ్మెల్యే బొల్లం మల్లయ్యయాదవ్‌తో కలిసి పరిశీలించారు.

హైదరాబాద్, జనవరి 8: తెలంగాణ ప్రభుత్వ సహకారంతో మేధో హక్కులపై పెసిలిటేషనద్ సెల్‌ను ఏర్పాటు చేసినట్లు భారతీయ పరిశ్రమల సమాఖ్య (సీఐఐ) ప్రకటించింది. మేధోహక్కులపై ఔత్సాహిక పారిశ్రామికవేత్తలకు, ఇన్నోవేటర్లకు అవగాహన కల్పించేందుకు, సమాచారాన్ని అందించేందుకు ఈ సెల్‌ను ఏర్పాటు చేసినట్లు సీఐఐ తెలంగాణ చైర్మన్ డీ రాజు చెప్పారు.