విజయవాడ, మార్చి 25: మోదీ ప్రభుత్వం రాష్ట్ర ప్రజలకు అన్యాయం చేసిందని, తాము కేంద్ర ప్రభుత్వంపై, ప్రధాని మోదీపై అవిశ్వాస తీర్మానం పెడతామని ఆర్భాటంగా వైకాపా ప్రకటించి పార్లమెంట్‌లో తూతూమంత్రంగా అవిశ్వాసం నోటీసు ఇచ్చి రాష్ట్ర ప్రజలందరినీ మభ్యపెట్టిందని తెలుగుదేశం పార్టీ రాష్ట్ర ప్రధాన కార్యదర్శి వర్ల రామయ్య విమర్శించారు.

విజయవాడ (బెంజిసర్కిల్), మార్చి 25: నవ్యాంధ్ర రాజధాని నిర్మాణం మొదలు రాష్ట్రంలో ప్రాజెక్టులు, పథకాల్లో వందల కోట్ల రూపాయలను దౌర్జన్యంగా వసూలు చేస్తూ దోపిడీకి పాల్పడుతున్న చంద్రబాబు దేశంలోనే అతిపెద్ద ఆర్థిక నేరస్థుడని వైఎస్‌ఆర్ కాంగ్రెస్ పార్టీ రాష్ట్ర అధికార ప్రతినిధి టీజేఆర్ సుధాకర్‌బాబు ఆరోపించారు. సుజనా చౌదరి, దీపక్‌రెడ్డి వంటి నేరస్థులను నీ చుట్టూ ఉంచుకుని నేరస్థుడు నా దగ్గరకు రాగలడా అంటారా?

విజయవాడ, మార్చి 25: బీజేపీ జాతీయ అధ్యక్షుడు అమిత్‌షా లేఖ ఆ పార్టీ అబద్ధాల ఫ్యాక్టరీలో తయారైందని, దేశాన్ని పక్కదారి పట్టిస్తున్నారని ప్రభుత్వ విప్ డొక్కా మాణిక్యవరప్రసాద్ విమర్శించారు. ప్రత్యేక హోదా సంగతి చెప్పమంటే ఇతర విషయాల గురించి ప్రస్తావిస్తూ సీఎంపైనే కాకుండా 5కోట్ల మంది ఆంధ్రులపై ఎదురుదాడి చేస్తున్నారని టీడీపీ జిల్లా కార్యాలయంలో ఆదివారం జరిగిన విలేఖరుల సమావేశంలో ఆయనన్నారు.

శ్రీకాకుళం: రాష్ట్రంలో ఐదు కోట్ల ఆంధ్రులను తప్పుతోవపట్టించేందుకే బీజేపీ జాతీయ అధ్యక్షుడు అమిత్‌షా లేఖలు రాస్తున్నారని, ఈ వైఖరి విచారకరమని రాష్ట్ర టీడీపీ అధ్యక్షుడు, ఇంధనశాఖ మంత్రి కిమిడి కళా వెంకట్రావు విమర్శించారు. మిత్రపక్షాన్ని, మిత్ర ధర్మానికి ద్రోహం చేసి ఆ తప్పును కప్పిపుచ్చుకునేందుకు దిగజారుడు రాజకీయాలకు పాల్పడడం ఎంతవరకూ సమంజషమని ప్రశ్నించారు.