మడకశిర, ఫిబ్రవరి 24: కేంద్ర బడ్జెట్ సవరణలో రాష్ట్రానికి అవసరమైన నిధులు కేటాయించాలని, విభజన హామీలను అమలు చేయాలని రాష్ట్ర కాంగ్రెస్ పార్టీ అధ్యక్షులు ఎన్.రఘువీరారెడ్డి కోరారు. ఈ మేరకు ప్రధానమంత్రి నరేంద్రమోదీకి లేఖ రాసినట్లు ఆయన తెలిపారు.

విజయవాడ, ఫిబ్రవరి 24: అపరిష్కృత డిమాండ్ల సాధనకై రాష్ట్ర వ్యాప్తంగా 24వేల మంది కాంట్రాక్టు విద్యుత్ కార్మికులు చేపట్టిన నిరవధిక సమ్మె శనివారం ఐదోరోజుకి చేరింది. ఇప్పటివరకు రాష్ట్ర ప్రభుత్వం నుంచి ఎలాంటి స్పందన లేకపోవటంతో రాష్ట్ర వ్యాప్తంగా విద్యుత్ కాంట్రాక్టు కార్మికుల సమ్మెను మరింత ఉధ్ధృతం చేయాలని ఏపీ విద్యుత్ కాంట్రాక్టు కార్మికుల ఐక్యవేదిక నిర్ణయించింది.

విశాఖపట్నం(క్రైం), ఫిబ్రవరి 24: విశాఖ ఫిషింగ్ హార్బర్‌లో జరిగిన బోటు ప్రమాదంలో ఓ కార్పెంటర్ సజీవ దహనం కాగా, ముగ్గురు తీవ్ర గాయాలతో బయట పడ్డారు. శనివారం ఇక్కడి ఫిషింగ్ హార్బర్‌లోని జెట్టీ నెంబర్ నాలుగులో ఉన్న ఎంఎం2371 నెంబర్ బోటులోకి ఆరుగురు యువకులు ప్రవేశించి మరమ్మతులు చేస్తుండగా ఒక్కసారిగా ఇన్వర్టర్ పేలిపోయింది. దీంతో బోటులో పని చేస్తున్న వారిలో ఇద్దరు బయటకు దూకి ప్రాణాలు కాపాడుకున్నారు.

విజయవాడ, ఫిబ్రవరి 24: ఆంధ్రప్రదేశ్‌కు ప్రత్యేక హోదా, విభజన చట్టంలోని హామీల అమలుకోసం, కేంద్ర బడ్జెట్‌లో ఏపీకి జరిగిన అన్యాయానికి నిరసనగా మార్చి 6న ఏపీ ప్రత్యేక హోదా, విభజన హామీల సాధన సమితి చేపట్టిన ‘చలో ఢిల్లీ’ జయప్రదం చేయాల్సిందిగా సీపీఐ రాష్ట్ర కార్యదర్శి కె.రామకృష్ణ పిలుపునిచ్చారు. ఈ మేరకు రామకృష్ణ శనివారం ఒక ప్రకటన విడుదల చేశారు.