విజయవాడ, ఫిబ్రవరి 8: వివిధ వైద్య కళాశాలల్లో చదువుతున్న హౌస్ సర్జన్లు (ఇంటర్నీలు), పీజీ విద్యార్థులకు స్టయిపండ్ పెంపుపై నిర్ణయం తీసుకునేందుకు వీలుగా ఒక కమిటీని ప్రభుత్వం నియమించింది. 2018, 2019 సంవత్సరాలకు సంబంధించి స్టయిపండ్ పెంచాలని వైద్య విద్య విభాగం ప్రతిపాదనలు పంపింది. దీనిపై నిర్ణయం తీసుకునేందుకు వీలుగా సిఫారసులు చేసేందుకు ఒక కమిటీని ప్రభుత్వం గురువారం నియమించింది.

అమరావతి, ఫిబ్రవరి 8: ఆరు ఖండాలు, 40 దేశాల్లోని నౌకాశ్రయాల్లో మెరైన్, ఇన్‌లాండ్ టెర్మినళ్లను కలిగి, సప్లయ్ చైన్ ద్వారా అంతర్జాతీయ వాణిజ్యానికి మార్గం సుగమం చేయడంలో ముఖ్యపాత్ర పోషిస్తున్న డీపీ వరల్డ్, ఆంధ్రప్రదేశ్ ప్రభుత్వం సంయుక్త భాగస్వామ్యంతో కార్యబృందం ఏర్పాటయింది. సంయుక్త కార్యబృందంలో ఏపీ ప్రభుత్వ వౌలిక సదుపాయాల శాఖ ముఖ్య కార్యదర్శి అజయ్ జైన్, డీపీ వరల్డ్ సీఈవో యువరాజ్ వున్నారు.

అమరావతి, ఫిబ్రవరి 8: రాష్ట్రానికి బీజేపీ నమ్మకద్రోహం చేసింది. విభజించిన రాష్ట్రాన్ని అభివృద్ధి చేస్తామని చెప్పిన ఆ పార్టీ మోసం చేసింది. ఇంత అన్యాయం జరుగుతున్నా టీడీపీ ఇంకా కేంద్రంలో ఉండటం ఎందుకు? కేంద్రం ఇస్తున్న నిధులను రాష్ట్ర ప్రభుత్వం కాజేస్తున్నందుకే నిధులివ్వడం లేదు. ప్రతిపక్షంగా ఉన్న వైసీపీ ఎందుకు తెగించడం లేదు?.. ఇవీ బంద్ రోజు వివిధ వర్గాల నుంచి వినిపించిన ప్రశ్నలు.

గాజువాక, ఫిబ్రవరి 8: పొత్తుల కోసం రాష్ట్ర ప్రయోజనాలను తాకట్టుపెట్టబోమని మంత్రి గంటా శ్రీనివాసరావు స్పష్టం చేశారు. గురువారం గాజువాకలో జరిగిన ఓ కార్యక్రమంలో పాల్గొన్న ఆయన కేంద్ర బడ్జెట్‌లో రాష్ట్రానికి జరిగిన అన్యాయంపై స్పందించారు. తమ ప్రభుత్వానికి రాష్ట్ర సంక్షేమమే ముఖ్యమని, దీనికి విఘాతం కలిగించే విధంగా ఉండే పొత్తులు తమకు అవసరం లేదని చెప్పారు.