విజయవాడ, ఫిబ్రవరి 5: అటవీ, పర్యావరణ పరిరక్షణకు సమగ్ర చర్యలు తీసుకుంటున్నట్లు అటవీశాఖ మంత్రి శిద్దా రాఘవరావు తెలిపారు. సోమవారం వెలగపూడిలోని తన కార్యాలయంలో తనను కలిసిన పత్రికా ప్రతినిధులతో మాట్లాడుతూ అటవీ నర్సరీలను వనమిత్ర పేరుతో అభివృద్ధి చేయనున్నట్లు తెలిపారు. ఇప్పటికే 20 నర్సరీలను గుర్తించామని, వీటిని సుమారు రూ.3కోట్లతో అభివృద్ధి చేయనున్నట్లు వెల్లడించారు.

విజయవాడ, ఫిబ్రవరి 5: రాష్ట్రంలో 203 అన్న క్యాంటీన్లను ఏర్పాటు చేసేందుకు వీలుగా రాష్ట్ర పురపాలక శాఖ సోమవారం ఉత్తర్వులు జారీ చేసింది. 14 నగర పాలక సంస్థలు, 4 మున్సిపాలిటీల్లో ఈ క్యాంటీన్లను ఏర్పాటు చేయనున్నారు. క్యాంటీన్ల ఏర్పాటుపై అధికారుల బృందం కర్నాటక, తమిళనాడు, గుజరాత్, హర్యానా, ఢిల్లీల్లో పర్యటించి అధ్యయనం చేసింది.

విజయవాడ, ఫిబ్రవరి 5: ఆంధ్రప్రదేశ్ స్థిరాస్తి నియంత్రణా ప్రాధికార సంస్థ (ఏపీ రియల్ ఎస్టేట్ రెగ్యులేటరీ అధారిటీ) వెబ్‌సైట్‌ను పురపాలక, పట్టణాభివృద్ధి శాఖ ప్రధాన కార్యదర్శి, ఏపీ రియల్ ఎస్టేట్ రెగ్యులేటరీ అథారిటీ కరికల్ వలవన్ సోమవారం ఉదయం లాంఛనంగా ప్రారంభించారు. ఇక రాష్ట్రంలోని రియల్ ఎస్టేట్ ప్రమోటర్లు తమ ప్రాజెక్టులను ఏపీ రెరా వెబ్‌సైట్ ద్వారా ఆన్‌లైన్‌లో రిజిస్ట్రేషన్ చేసుకోవచ్చు.

విజయవాడ, ఫిబ్రవరి 4: విద్యుత్ రంగంలో ఆంధ్ర ‘పవర్’ చాటాలని, దేశంలోనే నెంబర్ వన్‌గా నిలపాలని సీఎం చంద్రబాబు అధికారులను ఆదేశించారు. రాష్ట్రంలోని విద్యుత్ వినియోగదారులపై ఛార్జీల భారాన్ని మోపబోనన్న హామీని నిలబెట్టుకున్నానని, తనకెంతో సంతోషంగా ఉందన్నారు. రంగాలవారీగా భవిష్యత్ విద్యుత్ అవసరాలను అంచనావేసి, అందుకనుగుణంగా సరఫరాకు ఏర్పాట్లు చేసుకోవాలని సూచించారు.