కడప, ఆగస్టు 27 : రాయలసీమ జిల్లాల్లో ఆలస్యంగా వర్షాలు కురుస్తున్నాయని దీంతో ప్రత్యామ్నాయ పంటలు సాగు చేసుకునేందుకు రైతాంగానికి వంద శాతం సబ్సిడీతో ఉచితంగా విత్తనాలు సరఫరా చేస్తామని రాష్ట్ర వ్యవసాయశాఖ మంత్రి సోమిరెడ్డి చంద్రమోహన్‌రెడ్డి భరోసా ఇచ్చారు. అలాగే రైతు రుణమాఫీ కింద మూడవ విడతలో రూ. 3,600 కోట్లను త్వరలో విడుదల చేస్తామన్నారు.

కాకినాడ, ఆగస్టు 27: ‘హర్యానాలో డేరా బాబా.. ఆంధ్రాలో జగన్ బాబా ప్రజలను రెచ్చగొట్టి, అరాచకాలను సృష్టించేందుకు ప్రయత్నిస్తున్నారు’ అని ముఖ్యమంత్రి, తెలుగుదేశం పార్టీ జాతీయ అధ్యక్షుడు ఎన్ చంద్రబాబునాయుడు ధ్వజమెత్తారు. వైఎస్‌ఆర్ కాంగ్రెస్‌లో ఉన్నవారంతా భూకబ్జాదారులు, క్రికెట్ బెట్టింగ్‌లకు పాల్పడుతున్నవారేనన్నారు. ఓటు అనే ఆయుధంతో వారిని తరిమికొట్టాలని పిలుపునిచ్చారు.

ప్రత్తిపాడు/ కిర్లంపూడి, ఆగస్టు 27: మెరుపు ఉద్యమాలకు కేరాఫ్ అడ్రస్ అయిన కాపు ఉద్యమ నేత ముద్రగడ పద్మనాభం మరోసారి అదే పంథాను అనుసరించారు. గత నెల రోజులుగా చలో కిర్లంపూడి పేరుతో పాదయాత్ర నిర్వహించడానికి ప్రయత్నిస్తూ, పోలీసులు అడ్డుకుంటుండటంతో తన ఇంటివద్దే రకరకాలుగా నిరసనలకు దిగుతున్న ఆయన ఆదివారం ఉదయం అనూహ్యంగా రోడ్డెక్కేశారు.

రాజమహేంద్రవరం, ఆగస్టు 27: మాజీ మంత్రి ముద్రగడ పద్మనాభాన్ని నిలువరించడం పోలీసులకు పెద్ద కష్టం కాదు. సంయమనం పాటిస్తున్నాం, శాంతిభద్రతలకు విఘాతం కలిగించినందుకు ఆయనపై చర్యలు తీసుకోకతప్పదని ఆంధ్రప్రదేశ్ డిపిజి నండూరి సాంబశివరావు వ్యాఖ్యానించారు. నిబంధనలు ఉల్లంఘించినందుకు ముద్రగడపై కేసు నమోదు చేస్తున్నామన్నారు. పాదయాత్రకు అనుమతి ఇచ్చినట్టుగా కొన్ని చానళ్లలో వస్తున్నాయని, వాటిని ఖండిస్తున్నామన్నారు.